दुनैमा मदिरामा कडाइ

स्थानीय प्रशासनले सूचना प्रकाशन गरी खुला रूपमा मदिरा बिक्री र सेवनमा रोक लगाएको जनाएको छ । मदिरा सेवनका कारण आपराधिक घटना बढ्दै गएको प्रशासनले जनाएको छ ।

मदिरा नियन्त्रणका लागि अन्तक्र्रिया कार्यक्रम सञ्चालन गरी सरोकारवालासँग सुझाव संकलन गरिएको प्रमुख जिल्ला अधिकारी भूपेन्द्र थापाले बताए । उनले प्राप्त सुझावका अधारमा नियन्त्रण अभियानलाई प्रभावकारी बनाइने जनाए । ‘मदिराको प्रयोग व्यापक रूपमा बढ्दै गएपछि नियन्त्रणका लागि अभियान सुरु गरिएको छ,’ उनले भने, ‘सूचनाको बेवास्ता गरिए नियमअनुसार कारबाही हुनेछ ।’