२१.१२°C काठमाडौं
तोकिएको समयअगावै काम सकाउने निर्माण कम्पनी पुरस्कृत
दैलेख — निर्धारित समय अगावै काम सकाएको भन्दै एक निर्माण कम्पनीलाई पुरस्कृत गरिएको छ ।
कट्टीखोला मोटरेबल पुल निर्माण गरिसक्नुपर्ने समयभन्दा दुई महिनाअघि सकाएको र गुणस्तरीय काम गरेको भन्दै सपना निर्माण सेवा (हेटौंडा) लाई बोनससहित पुरस्कृत गरिएको हो ।
जिल्ला प्राविधिक कार्यालयले बोनसबापत ५ लाख ५ सय ३७ रुपैयाँ पुरस्कार सपना निर्माण सेवाका दैलेख प्रतिनिधि रुपक थापालाई प्रदान गरेको छ । थापाले स्थानीयस्तरमा काम गर्ने वातावरण भएमा समयमै निर्माण सकिने बताए ।
उक्त पुल ३ करोड ४३ लाख २५ हजार २ सय ५३ रुपैयाँको कूल लागतमा निर्माण गरिएको हो ।
कट्टीखोलाको पुल निर्माण सकिए पनि जिल्लाका राकम कर्णालीअन्तर्गतका १० वटा पुल भने अलपत्र अवस्थामा छन् । इमान्दार निर्माण व्यवसायी पहिचान नगरी ठेक्का दिँदा काम अलपत्र परेका स्थानीयको भनाइ छ ।
प्रकाशित : जेष्ठ १३, २०७५ १६:५५प्रतिक्रिया
