योजना निर्माण गर्दै स्थानीय तह

कतिपय स्थानीय तहमा बस्ती, वडा र गाउँस्तरमा योजना छनोट भएर आइसकेका छन् । गाउँपालिकाका विषयगत समितिमा योजनाको छलफल भइरहेको जगदुल्ला गाउँपालिका अध्यक्ष नारसिंह रोकायाले बताए । उनका अनुसार एकीकृत योजना तर्जुमा तथा बजेट निर्माण छलफलको तयारी भइरहेको छ ।

स्थानीय तहले असार १० देखि १५ गतेभित्र नीति, कार्यक्रम तथा बजेट सार्वजनिक गर्ने तयारी भइरहेको जनाएका छन् । योजना तर्जुमा तथा बजेट तयारीमा जनप्रतिनिधिको व्यस्तता बढेको जिल्ला समन्वय समितिका संयोजक शेरबहादुर बुढाले बताए ।