बन्गाडकुपिण्डे नगरपालिकाका दुई दर्जन विद्यालय दरबन्दीविहीन भएपछि पठनपाठनमा समस्या छ । बन्गाड कुपिण्डे नगरपालिकामा ५५ विद्यालय सञ्चालनमा छन् । अधिकांशमा दरबन्दीको अभाव छ । शिक्षक अभावले विद्यालय बन्द गर्नुपर्ने बाध्यता भएको छ ।
कर्णाली प्रदेशका अधिकांश गाउँ तथा नगरसभाले आगामी वर्षका लागि नीति तथा कार्यक्रम र बजेट प्रस्तुत गरेका छन् । उनीहरूले आइतबार आयोजित सभामा भौतिक पूर्वाधार र सामाजिक विकासका ‘पपुलर’ कार्यक्रम घोषणा गरे ।
आगामी आर्थिक वर्षका लागि जाजरकोटका सात स्थानीय तहले २ अर्ब २० करोड रुपैयाँको बजेट विनियोजन गरेका छन् । यो बजेट चालु वर्षको भन्दा झन्डै १० करोडले कम हो ।
पूर्वाधार निर्माण अलपत्र पार्ने ठेकेदारको सूची जिल्ला प्रशासन कार्यालयले तयार गरी कारबाहीका लागि क्षेत्रीय प्रशासन कार्यालयमा पठाएको छ । निर्माणकार्य अलपत्र पारेर भागेका १८ जना ठेकेदारको विवरण कारबाहीका लागि पठाइएको हो ।
जिल्ला प्रशासन कार्यालयले तोकिएको समयमा काम नसक्ने दैलेखका २० ठेकेदार कम्पनीको विवरण गृह मन्त्रालय पठाएको छ । सम्झौता भएको मितिमा काम नसक्ने कम्पनीको विस्तृत विवरण गृह मन्त्रालय पठाइएको हो ।
शे–फोक्सुण्डो तालको किनारमा अवस्थित रिग्मगाउँको साङ्खे लामाको गुम्बाबाट सातवटा बुद्धमूर्ति चोरी भएका छन् । गाउँका मानिस र साङ्खे लामाका परिवार यार्चा टिप्न पाटन गएको मौका छोपेर चोरले गुम्बाको मूलढोकासहित भित्रका चारवटा ढोकाका मिरो उखेलेर मूर्ति लगेका थिए ।
नेपालकै गहिरो फोक्सुण्डो तालको किनार रिग्म गाउँको बीचमा रहेको शाङ्खे लामाको गुम्बाबाट आधा दर्जन बुद्ध मूर्ति चोरी भएका छन् । गाउँले र गुम्बाका शाङ्खे लामाका परिवार पनि यार्चाकुन्भु टिप्न पाटन गएको मौका छोपी सयौं वर्ष पुराना ७ वटा बुद्ध मूर्तिहरु चोरी भएको स्थानीय आङबहादुर लामाले बताए ।
नलगाड नगरपालिका १, जुरेलीकी एक किशोरीले चार दिनअघि आत्महत्या गरिन् । १५ वर्षीया किशोरीले साताअघि मात्रै सोही ठाउँका २५ वर्षीय विष्णु पुनसँग विवाह गरेकी थिइन् । तर, उनीहरूको सम्बन्ध धेरै दिन टिक्न सकेन ।
बन्गाड कुपिण्डे नगरपालिकाको जयतपानीस्थित प्रतिभा माध्यमिक विद्यालयमा शिक्षक दरबन्दी शून्य छ । माध्यमिक र निम्न माध्यमिक तहमा दरबन्दी शून्य रहेको हो । त्यहाँ एक जना शिक्षक मात्रै कार्यरत छन् ।
सानीभेरी गाउँपालिकाले नगर प्रहरी नियुक्त गरी कामकाज सुरु गरेको छ । जेठ पहिलो साता नियुक्त गरिएका पाँच जना नगर प्रहरीलाई तीन साताको आधारभूत तालिमपछि गाउँपालिकाले कामकाजमा लगाएको हो ।
जिल्लामा ६ महिनाको अवधिमा भएका मानवअधिकार हननका घटनामध्ये ८० प्रतिशत बढी महिला हिंसाका छन् । इन्सेकले सार्वजनिक गरेको अर्धवार्षिक प्रतिवेदनमा २० वटा घटनामध्ये १६ वटा घटना महिला हिंसासँग सम्बन्धित छन् ।
विपद्को उच्च जोखिममा रहेको कालिकोटमा विपद्सँग जुध्न पूर्वतयारी तथा प्रतिकार्य योजना निर्माण भएको छ । भूकम्प, पहिरो, बाढी, महामारी, खडेरी, आगलागीजस्ता मुख्य विपद् पहिचान भएको कालिकोटमा ढुंगा खस्ने र चट्याङको समस्यालाई पनि विपद्मा राखिएको छ ।