पहिरोले जाजरकोट सदरमुकाममा यातायात अवरुद्ध

भीमबहादुर सिंह

जाजरकोट — सदरमुकाम खलंगा बजारमा यातायातका साधन आवजावत गर्न बन्द भएका छन् । अाइतबार रातिको बर्षात्‌का कारण खलंंगासँग जोडिएको पक्की सडकमा चारैतिर पहिरो खसेपछि आवतजावत रोकिएको हो । 

खलंगाको शान्तिचौतारा नजिकै खहरे खोलामा भत्किएको सडक । तस्बिर : भीमबहादुुर सिंह/कान्तिपुर । 

छिन्चु–जाजरकोट सडकको शान्तिचौताराको खहरे खोलामा १० मिटर सडक भत्किँएको छ । सडक भत्किएपछि खलंगाबाट सोमबार जिल्ला बाहिर जाने तथा भित्रिने यातायातका साधन शान्तिचौतारा र बोहरागाँउ अलपत्र परेका छन् । खलगा बजारभित्रकाे सडकका ठाँउ ठाँउमा पहिरो खसेको छ ।

Yamaha

प्रकाशित : श्रावण ७, २०७५ १०:४५
ADVERTISEMENT
ADVERTISEMENT
प्रतिक्रिया
पठाउनुहोस्

मुल्य घटाएकाे विरोधमा किसानले बाँडे दुध

रमेशकुमार पौडेल

चितवन — दुधको मुल्य घटेपछि चितवनका किसानहरुले केही दिनयता लागातार विरोध प्रदर्शन गर्दै आएका छन् । शुक्रबार भण्डाराका किसानले सडकमा दुध पोखेर विरोध गरेको भोलिपल्टै ज्यामिरेमा पनि किसानले दुध पोखे । तर, सोमबार बिहान रत्ननगरमा किसानहरुले गरेको विरोध भने भिन्न रहयो । त्यहाँका किसानले सडकमा अरुलाई दुध खुवाएर सरकारको विरोध गरे । 

सोमबार बिहान सडकमा यात्रुलाई दुध बाँड्दै रत्ननगरका किसान । तस्बिर : रमेशकुमार पौडेल/कान्तिपुर ।

दुग्ध विकास संस्थानले दुध बेच्ने सहकारी संस्थाहरुलाई टीएस कमिसन भनेर प्रति लिटर ६ रुपैया ९२ पैसा अतिरिक्त भुक्तानी दिन्थ्यो । त्यो पैसाबाट सहकारीले कर्मचारी, सञ्चालन खर्च जुटाउँदै आएको र किसानलाई प्रति लिटर तीन रुपैयाका दरले थप रकम दिदै आएका थिए । साउन १ गतेदेखि संस्थानले टीएस कमिसन घटाएर तीन रुपैयाँ मात्रै दिदै आएको छ ।

‘यसो भएपछि हामीले किसानलाई थप तीन रुपैया दिन सक्दैनौं । संस्थानको कदमले किसान मर्कामा परे,’ चितवन जिल्ला दुग्ध उत्पादक सहकारी संस्था लिमिटेडका सचिव लोकनाथ सापकोटाले भने ।

अध्यक्ष हरिहर सुवेदीले सरकारलाई आफ्ना कुरा सुनाउन किसानहरुले विरोध गर्दै आएको र रत्ननगरले फरक तरिकाले विरोध गरेको बताए ।

नगरस्तरीय दुग्ध उत्पादक सहकारी समिति र व्यवसायिक पशुपालक कृषक समाजले रत्ननरमा सोमबार बिहान ८ बजे आधा घण्टा चक्काजाम गरेर यात्रु र बटुवाहरुलाई दुध बाँडेका हुन् । ‘हाम्रो पीरमार्का सरकारले सुन्नु पर्छ । नभए हामी आन्दोलन फैलाउँदै लानेछौं । अहिले रचनात्मक विरोधमा छौं,’ व्यवसायिक पशुपालक कृषक समाज रत्ननगरका अध्यक्ष किशोर बगालेले भने ।

सोमबार बिहान सडकमा यात्रुलाई दुध बाँड्दै रत्ननगरका किसान । तस्बिर : रमेशकुमार पौडेल/कान्तिपुर ।

प्रकाशित : श्रावण ७, २०७५ १०:२४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT