स्थानीय तह माताहातका स्वास्थ्य संस्थाहरुमा स्वास्थ्य प्रयोगशाला र जनशक्तिको दरबन्दी थप गराउनुपर्ने प्रयोगशालाकर्मीहरुले माग गरेका छन् । जुम्लाका आठवटै स्थानिय तहका प्रमुखहरुसँग भेट गरी ज्ञापनपत्र दिँदै स्थानीयतहका स्वास्थ्य संस्थामा अनिवार्य रुपमा प्रयोगशालाकर्मीको दरबन्दीको व्यवस्था गर्न माग गरेका हुन् ।
पाँच दशकअघि साबिकको जिविसले खलंगा–लक्ष्मीपुर–रामपुर हँुदै तुलसीपुर जोड्ने सडक निर्माणको काम सुरु भयो । लक्ष्मीपुरको मासखोलासम्म ४० किमि ट्रयाक खनेर सडक निर्माणको काम रोकियो ।
छायानाथ रारा नगरपालिका–११, रयाङच्याकाटी गाउँमा खानेपानी अभाव भएको छ । खानेपानी तथा सरसफाइ कोष विकास समितिले खानेपानीको मुहान थुनेपछि गाउँमा खानेपानीको हाहाकार भएको हो ।
जुम्लाका तिला गाउँपालिकाका शिक्षकहरुले अन्तिम चौमासिकको तलब दिन आनाकानी गरेको भन्दै गाउँपालिकाको कार्यालयमा धर्ना दिएका छन् । तत्काल तलबको व्यवस्था गर्न माग गर्दै उनीहरुले शुक्रबारदेखि गाउँपालिका कार्यालयमा धर्ना सुरु गरेका छन् ।
बन्गाडकुपिण्डे नगरपालिका १, अम्रा र सुर्खेतको सिम्ता गाउँपालिका जोड्ने भेरी नदीमा पुल बनेपछि विद्यार्थीको पठनपाठन नियमित बनेको छ । यसअघि वर्षायाममा नदीमा पानीको बहाव नघट्दा विद्यार्थी पठनपाठनबाट वञ्चित हुने समस्या थियो ।
छिन्चु–जाजरकोट सडकखण्डको बन्गाड खोलामा आएको बाढीका कारण सडक अवरुद्ध भएको छ । सडक अवरुद्ध हुँदा यात्रुहरू बन्गाडकुपिण्डे नगरपालिकाको सल्लीबजारमा अलपत्र परेका छन् । प्रहरीका अनुसार लगातार भएको वर्षाका कारण जिल्लाभर एक दर्जन बढी ग्रामीण सडक अवरुद्ध भएका छन् ।
जिल्ला प्रशासन कार्यालयका नायब सुब्बा तिलकप्रसाद न्यौपानेले ५५ वर्षको उमेरमा कक्षा १२ को परीक्षा उत्तीर्ण गरेका छन् । सरकारी सेवामा ३६ वर्षअघि प्रवेश गरेका नायब सुब्बा न्यौपानेले अवरुद्ध भएको पढाइ पूरा गर्न पाएकोमा खुसी व्यक्त गरे । उनले सकेसम्म पढाइलाई निरन्तरता दिने बताए ।
सदरमुकाममा एकै ठाउँमा व्यवस्थित टिकट काउन्टर नहुँदा यात्रुलाई सास्ती भएको छ । टिकटको खोजीमा भौंतारिँदा कतिपय यात्रुले गाडी छुट्ने गरेको गुनासो गरेका छन् । एकै ठाउँमा नहुँदा यात्रु ठगिने गरेका छन् ।
जनकल्याण माध्यमिक विद्यालय बाँफिकोट गाउँपालिका–९, पूरानागाउँको पठनपाठन केही दिनदेखि नियमित हुन सकेको छैन । १० बजेदेखि १२ बजेसम्मका सबै विषय नियमित पठनपाठन भए पनि १२ बजेपछिका कुनै पनि विषय पठनपाठन गराउने वातावरण विद्यालयमा छैन । अनौठो खालको लक्षणसहित विद्यार्थी बिरामी हुन थालेपछि पठनपाठन नियमित हुन नसकेको हो ।