नयाँशक्तिका जुम्ला संयोजक मृत फेला
जुम्ला — नयाँशक्ति पार्टीका जिल्ला संयोजक एवं चन्दननाथ नगरपालिका–२ का ४३ वर्षीय राधाकृष्ण बुढाथापा मृत अवस्थामा भेटिएका छन् ।
चन्दननाथ–५ जुगाडखोला नजिकै बुढाथापाको शव भेटिएको जिल्ला प्रहरी कार्यालय जुम्लाले जनाएको छ । मृत्युको कारण खुल्न सकेको छैन । घटना अनुसन्धानका क्रममा प्रहरीले दुई जनालाई लागि नियन्त्रणमा लिएको छ । मृतक बुढथापाको शव अहिले कर्णाली स्वास्थ्य विज्ञान प्रतिष्ठान जुम्लामा राखिएको छ ।