नेपाल बार राजनीतिक संगठन भयो : मुख्य न्यायाधीश

कलेन्द्र सेजुवाल

सुर्खेत — उच्च अदालत सुर्खेतका मुख्य न्यायाधीश हरिकुमार पोख्रेलले नेपाल बार एसोसिएसन पेशागतभन्दा राजनीतिक संगठन भएको बताएका छन् । उनले बारले कानुन व्यवसायीको पेशागत संगठनको रुपमा आफ्नो पहिचान बनाउनुपर्ने बताए ।

नेपाल कानुन व्यवसायी परिषदद्वारा आयोजित कार्यक्रममा सहभागी । तस्बिर : कलेन्द्र सेजुवाल / कान्तिपुर

‘यो (नेपाल बार) राजनीतिक वा पेशागत कस्तो किसिमको संगठन हो, प्रष्ट हुनुपर्छ,’ नेपाल कानुन व्यवसायी परिषदद्वारा आइतबार वीरेन्द्रनगरमा आयोजित कार्यक्रममा उनले भने, ‘यदि यो राजनीतिक रुपमा अघि बढ्यो भने न्याय र कानुनको क्षेत्रमा राम्रो हुँदैन ।’

Yamaha


मुख्य न्यायाधीश पोख्रेलले कानुन व्यवसायीप्रति पनि गुनासो गरे । ‘कानुन व्यवसायी भनेका ‘सामाजिक अभियन्ता पनि हुन्, तर यहाँ त पैसा कमाउने व्यवसायी हुन् भन्ने जस्तो देखिन्छ,’ उनले भने, ‘अब हामीले आफ्नो व्यवहार र कार्यशैली सच्याउन आवश्यक छ ।’

परिषदका पूर्वसदस्य ध्रुवकुमार श्रेष्ठको सभापतित्वमा भएको कार्यक्रममा जिल्ला न्यायाधीश ध्रुवकुमार शाह, कर्णाली प्रदेश सरकारका मुख्य न्यायाधिवक्ता विद्याभूषण मानन्धर, वरिष्ठ अधिवक्ता भूषण मानन्धर, अख्तियार दुरुपयोग अनुसन्धान आयोगका कानुन उपसचिव जंगबहादुर डाँगी, उच्च अदालतको सहन्यायाधिवक्ता सुरेन्द्रजंग शाही लगायतले बोलेका थिए ।

प्रकाशित : श्रावण २७, २०७५ १७:०३
ADVERTISEMENT
प्रतिक्रिया
पठाउनुहोस्

१ सय १३ केजी गाँजासहित एक पक्राउ

प्रताप विष्ट

हेटौंडा — लागूऔषधसहित प्रहरीले एक अभियुक्तलाई पक्राउ गरेको छ । प्रदेश-३ को प्रहरी कार्यालय हेटौंडाको क्षेत्रीय अनुसन्धान टिमले १ सय १३ केजी गाँजासहित कन्टेनर र चालकलाई नियन्त्रणमा लिएको हो । 

प्रहरी निरीक्षक रोशन थापाको कमाण्डमा गएको टोलीले हेटौंडातर्फ आइरहेको ना ४ ख २९३ नम्बरको कन्टेनरलाई मनहरीमा रोकेर जाँच गर्ने क्रममा कन्टेनरको पछाडिको भागमा ६ वटा प्लास्टिकको बोरामा प्याक गरेर ल्याएको गाँजा फेला पारेको थियो । प्रहरीले उक्त गाँजासहित कन्टेनर चालक चितवन राप्ती नगरपालिका ४ का ४१ वर्षीय विष्णुभक्त श्रेष्ठलाई नियन्त्रण लिएको हो । श्रेष्ठ कन्टेनर धनी र चालक दुवै हुन् ।

चितवन शक्तिखोरबाट गाँजा लोड गरेर ल्याएको प्रहरीले सुराकी पाएपछि मनहरीमा नै गएर पक्राउ गरेको प्रहरी निरीक्षक थापाले बताए । गाँजा कारोबारी गर्ने व्यक्तिको खोजी भइरहेको प्रहरीले जनाएको छ ।

प्रकाशित : श्रावण २७, २०७५ १६:५४
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT