कर्णाली
भाद्र १५, २०७५

साँघुबाट चिप्लिँदा श्रीमान्‌को मृत्यु, श्रीमती बेपत्ता

बडगाई खोलाको साँघु तर्ने क्रममा चिप्लिँदा श्रीमान्‌को मृत्यु भएको छ भने श्रीमती बेपत्ता छिन् । बाँफिकोट गाउँपालिका ५ बाट ६ नम्बर हुँदै घर जाने क्रममा बाँफिकोट गाउँपालिका ८ दुलीखाका ५० वर्षीय अमृत घर्तीको मृत्यु भएको हो भने उनकी श्रीमती ४८ वर्षीया तुलषा बेपत्ता रहेको प्रहरीले जनाएको छ ।

ढुंगामाटो बोक्दै कर्णालीका मन्त्री

शुक्रबार बिहानै मुख्यमन्त्री महेन्द्रबहादुर शाही वीरेन्द्रनगर नगरपालिका–६ स्थित सरस्वती बाल विकास केन्द्र विद्यालयको भवन निर्माणमा खटिए।

मदिरा बिक्रीमा कडाइ: किन्दा बुवाको नाम अनिवार्य

कर्णाली प्रदेश सरकारले मदिरा कारोबारमा कडाइ गर्ने भएको छ । मदिराको सहज कारोबारले विकृति/विसंगति बढेको दाबी गर्दै प्रदेशको गृह अर्थात् आन्तरिक मामिला तथा कानुन मन्त्रालयले मदिरा सेवन गर्नेको विस्तृत विवरण उल्लेख गरेपछि मात्र व्यवसायीले बिक्री गर्न दिने व्यवस्था गर्न लागेको छ ।

सुविधाभन्दा सास्ती धेरै

डोजरमार्फत जथाभावी सडक निर्माण गरिँदा यहाँका अधिकांश गाउँ पहिरोको जोखिममा परेका छन् । जमिन कमजोर भएपछि दैनिकजसो पहिरो खस्न थालेको छ । जथाभावी सडक खनेकै कारण बन्गाड कुपिण्डे नगरपालिकाका खहरेखोला, ब्युरेनी, गर्चे, बरेली, खैरागाड, स्याला र शंखपीपल गाउँ जोखिममा छन् ।

भाद्र १४, २०७५
ADVERTISEMENT

एकैदिन चार सम्बन्धविच्छेद मुद्दा

सरकारले भदौ १ गतेदेखि लागू गरेको देवानी संहिताका आधारमा यहाँका चार पुरुषले सम्बन्धविच्छेदको मुद्दा दर्ता गराएका छन् । एकैदिन चारजनाले मुद्दा दर्ता गरेको जिल्ला अदालतले जनाएको छ ।

दुग्ध चिस्यान केन्द्र स्थापना

मुसिकोट नगरपालिका–४, सोलावाङमा दूध चिस्यान केन्द्र (चिलिङ भ्याट) स्थापना गरिएको छ । कर्णाली प्रदेश सरकारको अनुदान सहयोग र सहकारीको ९६ लाख २४ हजार रुपैयाँको लगानीमा चिस्यान केन्द्र स्थापना गरिएको हो ।

भाद्र १३, २०७५

पुल बगाएपछि सास्ती

नलगाड नगरपालिका–३, कटेका गोवर्धन वलीलाई सोही वडाको कैनाबजारस्थित स्वास्थ्य चौकीमा उपचारका लागि पुग्न ५ घण्टा पैदल हिंड्नुपर्ने बाध्यता छ । त्यस्तै विद्यार्थी राजेन्द्र वली पनि सुर्योदय माध्यमिक विद्यालय कैना पुग्न उति नै समय हिंड्छन् ।

ADVERTISEMENT

दुल्लुलाई स्मार्ट सिटी बनाइँदै

दुल्लु नगरपालिकालाई स्मार्ट सिटी बनाउन आवश्यक रणनीतिबारे आवश्यक छलफल सुरु गरिएको छ । नयाँ सहर आयोजना समन्वय कार्यालयको आर्थिक वर्ष ०७४/७५ को कार्यक्रमअनुसार दुल्लुलाई स्मार्ट सिटी बनाइन लागिएको हो ।

तालाबन्दीले पठनपाठन अवरुद्ध

रारा बहुमुखी क्याम्पसमा एक सातादेखि गरिएको तालाबन्दीका कारण पठनपाठन अवरुद्ध भएको छ । तालाबन्दीका कारण क्याम्पसको प्रशासनिक कामकाजसमेत पूर्णरूपले ठप्प छ । क्याम्पसका चन्दादाताले गत भदौ ६ गतेदेखि अनिश्चितकालीन तालाबन्दी गरेका थिए ।

बाढीपहिरोले चार करोडको क्षति

निरन्तर वर्षाका कारण आठबीसकोट नगरपालिकामा चार करोड बढीको क्षति भएको छ । साउन अन्तिम सातादेखि भदौ पहिलो सातासम्म नगरपालिकाका विभिन्न ठाउँमा गएको बाढीपहिरो र भूक्षयका कारण करिब चार करोडको भौतिक सम्पत्ति, बाली र जग्गामा क्षति पुगेको हो ।