कृषि बैंकमा अनलाइन सेवा

भीमबहादुर सिंह

जाजरकोट — कृषि विकास बैंक लिमिटेड जाजरकोट शाखामा अनलाइन बैंकिङ सेवा सञ्चालनमा आएको छ ।

कृषि विबकास बैंक जाजरकोटको अनलाइन बैंकिङ सेवा उद्घाटन कार्यक्रममा बोल्दै प्रमुख कार्यकारी अधिकृत तुलसी प्रकाश सिटौला । तस्बिर : भीमबहादुर

शाखा स्थापना भएको ४२ वर्षपछि वैंकले अनलाइन सेवामार्फत विभिन्न कारोबार गर्न सुरु गरेको हो । कृषिले अन्तर्राष्ट्रिय बैंकिङ प्रविधि सीबीएससहितको अनलाइन सेवा सञ्चालनमा ल्याएको छ ।

कृषि वैंकले अनलाइनमार्फत भिसा डेबिड कार्ड, एडीबीएल, एसएमएस अर्लट, सी आस्वा, मोबाइल बैंकिङलगायत सेवा सञ्चालन ल्याएको हो । अनलाइन सेवासँगै बैंकले कर्जा लगानी, निक्षेप सेवा, विप्रेषणलगायत कारोबार गर्न सुुरु गरेको छ ।

Yamaha

कृषि बैंकले अनलाइन सेवाका साथै अन्य सम्पूर्ण बैंकिङ सेवा सञ्चालनमा ल्याएपछि जाजरकोट निक्षेपकर्ता र सेवाग्राही खुसी भएका छन् । सरकारी कारोबार गर्ने एक मात्र बैंक नेपाल बैक लिमिटेडमा निक्षेपलगायत बैंकिङ कारोबार गर्न सास्ती खेप्दै आएका उनीहरू कृषि बैंकमा यस्तो कारोबार सञ्चालनमा आएपछि खुसी भएका हुन् ।

यसअघि कृषि बैंकले विभिन्न कर्जा र बैंक जमानत कारोबार मात्र गर्दै आएको थियो । कृषि बैंकले जाजरकोटसहित दुई सय २५ शाखामा अनलाइन सेवा सञ्चालन गरेको छ ।
कृषि विकास बैंकका प्रमुख कार्यकारी अधिकृत लीलाप्रकाश सिटौलाले शुक्रबार एक कार्यक्रमबीच खलंगास्थित कार्यालयमा अनलाइन सेवाको आरम्भ गरेका थिए ।

सेवाको उद्घाटन गर्दै प्रमुख कार्यकारी अधिकृत सिटौलाले जनता र कृषि विकास बैंकबीचको सम्बन्ध बलियो र पराकिलो बनाउन लागिपरेको बताए । समग्र कृषि विकासको दायित्व बोकेको यस बैंकले प्रवाह गर्ने अन्य तमाम सेवाका बारे नेपाली जनमानसमा परिचित गर्न लागेको उनले जनाए ।

‘नेपालको सबैभन्दा ठूलो वाणिज्य बैंक, धेरै पुँजी, धेरै सेयर संख्या र ठूलो नेटवर्क भएको बैंक नै कृषि विकास हो,’ उनले भने । कृषिको क्षेत्रको विकासमा ठूलो भूमिका बोकेको यो बैंकले अन्य क्षेत्रको समृद्धि र विकासका लागि पनि सक्रिय रहेको उनले बताए । उनले कृषि विकास बैंकको १३ खरब ५० अरब चुक्ता पुँजी, लगानी कर्जा ९६ अरब, २० लाख सेयरधनी, कर्जाग्राही २ लाख र १० लाख निक्षेपकर्ता, दुई सय ७३ शाखा रहेको बताए ।

गत आर्थिक वर्ष बैंकले तीन अर्ब ६७ करोड मुनाफा आर्जन गरेको उनले बताए । जाजरकोटका ३ वटा स्थानीय तहमा अबको एक महिनाभित्रै शाखा स्थापना गरेर बैंकिङ सेवा सञ्चालन गर्न लागेको सिटौलाले बताए । कुशे, जुनीचाँदे र बारेकोट गाउँपालिकामा सेवा सञ्चालन गर्नका लागि जनशक्ति खटाउनेलगायत सम्पूर्ण तयारी भइसकेको उनले बताए । अन्य बैंक जान नचाहेको दुर्गम स्थानमा कृषि बैंक जान लागेको उनको भनाइ छ ।

कृषि विकास बैंकले सरल कृषि कर्जा, उद्योग कर्जा, व्यापार कर्जा, कर्मचारी सेवा, घरायसी कर्जालगायत ३५ प्ररकारका कर्जा प्रवाह र ६/७ प्रकारका खाता सञ्चालन गर्ने गरेको जाजरकोट शाखा प्रबन्धक महानन्द चौंलागाईंले बताए ।

जाजरकोट शाखाले गत आबमा १ करोड ३४ लाख मुनाफा आर्जेको उनले बताए । यस शाखामा बाह्र करोड २० लाख कर्जा लगानी, एक करोड ५० लाख निक्षेप रकम, नौ सय ११ निक्षेपकर्ता र कर्जाग्राही चार सय ७३ रहेको प्रबन्धक चौलागाईंले बताए । कृषि विकाससहित जाजरकोटमा सकारी कारोबार गर्ने बैंक दुई पुगेका छन् ।

Esewa Pasal

प्रकाशित : भाद्र १८, २०७५ ०९:४५
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

सल्यानमा समता विद्यालय

कान्तिपुर संवाददाता

सल्यान — समता निकेतनले ७७ औं शाखाको रूपमा शारदा नगरपालिका–१, श्रीनगरमा विद्यालय स्थापना गरेको छ । विपन्न बालबालिकालाई गुणस्तरीय शिक्षा प्रदान गर्नेगरी समताले विद्यालय स्थापना गरिएको जनाइएको छ ।

सल्यानको श्रीनगरस्थित समता विद्यालयमा अध्ययन गर्दै बालबालिका । तस्विर : विप्लव

यसै शैक्षिक सत्रदेखि पढाइ सुरु भएको विद्यालयमा नर्सरीदेखि कक्षा १ सम्मको पठनपाठन सुरु गरिएको छ ।

निर्देशक दीपक सञ्जेलका अनुसार विद्यालयमा मासिक शुल्क एक सय, परीक्षा शुल्क २ सय र भर्ना शुल्क एक सय ५० तोकिएको छ । ‘त्यही शुल्कबाट विद्यार्थीको पोसाक तथा पुस्तकको व्यवस्था गरिएको छ,’ उनले भने,‘ सामुदायिकमा पढाइ राम्रो नहुँदा बिद्यार्थी जान नमान्ने र निजीमा चर्को शुल्कको मारमा अभिभावक परेकाले समताको आबश्यक्ता भएको हो ।’ नर्सरी देखि कक्षा १ सम्म दुई सय बालबालिका अध्ययनरत रहेको उनको भनाइ छ । प्रत्येक बर्ष एक कक्षा थप गर्दै प्लस टुसम्म कक्षा सञ्चालनको योजना रहेको उनले जनाए ।

सन २००१ देखि काडमाडौबाट सुरु गरिएको समता विद्यालयमा अहिले सबै संकायमा उच्च शिक्षासम्म पठनपाठन भइरहेको छ । ‘नर्सरीदेखि उच्च शिक्षा अध्ययनका लागि लाग्ने शुल्क मासिक १ सय मात्र छ,’ सञ्जेलले भने, ‘विद्यार्थीले तिरेको शुल्कले शैक्षिक खर्च नपुग्ने भएकाले विभिन्न दाताबाट सहयोग संकलन गर्ने गरिएको छ ।’

भारतको बिहार, बंगलादेशको ढाका र श्रीलंकामा समेत विद्यालय सञ्चालन गरिएको समताले जनाएको छ । सार्कका अन्य चार देशमा समताको शाखा खोल्ने तयारी भइरहेको छ । श्रीनगरसहित देशभरि ४० हजार विद्यार्थीले अध्ययन गर्दै आइरहेका छन् । समता विद्यालय खुलेपछि यहाँका बिपन्न अभिभावकले राहत पाएको बताए ।

आर्थिक समस्याका कारण बालबालिकालाई कहाँ पढाउने भनेर दोधारमा परेकी स्थानीय निर्मला योगीले समता खुलेपछि निकै राहत भएको बताइन् । ‘निजीमा पढाउने हैसियत थिएन,’ उनले भनिन्, ‘सामुदायिकमा बालबालिकाले जान मानेका थिएनन्, समता खुलेपछि धेरै राहत भयो ।’

प्रकाशित : भाद्र १८, २०७५ ०९:४४
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT