अभिभावकविहीन बालबालिकालाई सहारा

अभिभावकविहीन एन्जु, राजबहादुर र धनराजको लालनपालन तथा पठपाठनको जिम्मा भेरी नगरपालिका ३, थाप्लेको महिला समूहले लिएको छ
भीमबहादुर सिंह

जाजरकोट — नलगाड नगरपालिका ७, खगेनकोटकी ६ वर्षीया एन्जु शर्मा यूकेजीमा पढ्छिन् । जय मालिका गुरुकुल वेद विद्यापीठ थाप्लेकी विद्यार्थी एन्जुलाई लालनपालन, पठनपाठन र हेरचाह गर्ने आमाबाबु छैनन् ।

आमा गीता र बाबु नन्दलालको ४ वर्षअघि भेरी बस दुर्घटनामा ज्यान गएको थियो ।

यस्तै बारेकोट गाउँपालिका–९ का ७ वर्षीय राजबहादुर महतारा र उनका ५ वर्षीय भाइ धनराज पनि अभिभावकविहीन छन् । आमाको मृत्यु र बाबु जनकबहादुर वेपत्ता भएपछि अभिभावकविहीन बनेका उनीहरू पनि जय मालिकामै पढ्छन् ।

Yamaha

अभिभावकविहीन एन्जु, राजबहादुर र धनराजको लालनपालन तथा पठनपाठनको जिम्मा भने भेरी नगरपालिका ३, थाप्लेको महिला समूहले लिएको छ । उक्त समूहले उनीहरूसमेत १० जना टुहुरा तथा अनाथ बालबालिकाको लालनपलन र पठनपाठनका लागि मासिक ३० हजार खर्च गर्दै आएको छ । कालीमाता नरिन्ताकुमारी शाह, शारदा हमाल, लक्ष्मी शाह, अम्बिका थापा र पूर्णकला सिंहलगायत महिलाले टुहुरा बालबालिकाको संरक्षण गर्दै आएका छन् ।

विगत ५ महिनादेखि नेपाल आमा अनाथ आश्रम सञ्चालन गरेर टुहुरा तथा अनाथको संरक्षण गर्दै आएको अध्यक्ष शारदा हमालले बताइन् । बालबालिकाको सुरक्षा, लालनपालन, पठनपाठनलगायत सेवा गर्न दुई जना वार्डेन राखेका छन् । समाज सेवा गर्ने उद्देश्यअनुरूप अनाथ बालबालिकालाई लालनपालनको जिम्मा लिएको अध्यक्ष हमालको भनाइ छ ।

अनाथ आश्रममा बारेकोट गाउँपालिकाका ४ जना, नलगाड नगरपालिकाका ४ जना र भेरी नगरपालिकाका २ जना बालबालिकालाई संरक्षण दिइएको छ । जाजरकोटमा टुहुरा तथा अनाथ बालबालिकाको उचित हेरचाह र लालनपालन नहुँदा उनीहरू बालअधिकारबाट बन्चित भएका छन् । यस्ता बालबालिकाको लालनपालनमा कुनै पनि संघसंस्थाले सहयोग नगरेको अध्यक्ष शाहले बताइन् ।

आश्रममा रहेका बालबालिका एलकेजीदेखि २ कक्षासम्म अध्ययनरत छन् । सम्बन्धित गाउँ/नगरपालिकाको सिफारिसमा टुहुरा बालबालिकालाई आश्रममा राखेर पठनपाठन गर्दै आएको हमालले बताइन् । ‘आश्रम सञ्चालन गर्ने ७ जना दिदीबहिनीले नै एकआपसमा चन्दा संकलन गरेर बालबालिकाको लालनपालन तथा पठनपाठन खर्च बेहोर्दै आएको छौं,’ उनले भनिन् ।

जिल्लाका ७७ वटा वडाबाट एक/एक जनाका दरले टुहुरा तथा अनाथलाई आश्रममा संरक्षण दिने उद्देश्य राखेको हमालले बताइन् । आश्रमका लागि दिदीबहिनी मिलेर ८ कोठे भवन पनि निर्माण गर्न लागेको कालीमाता शाहले बताइन् । आश्रममा जति सक्यो धेरै अनाथ बालबालिकाको संरक्षण दिने कार्यक्रम छ ।

प्रकाशित : भाद्र २७, २०७५ १०:२१
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

दैलेख अस्पताल प्रदेशकै उत्कृष्ट

कान्तिपुर संवाददाता

दैलेख — कर्णाली प्रदेशका जिल्ला अस्पतालको न्यूनतम सेवास्तरमा दैलेख जिल्ला अस्पताल प्रथम भएको छ । स्वास्थ्य तथा जनसंख्या मन्त्रालयले तोकेका विभिन्न आठवटा सूचकांकको आधारमा ९१ अंकसहित प्रथम भएको हो ।

जिल्ला अस्पताल प्रमुख डा. निरञ्जन पन्तका अनुसार मूल्यांकनको लागि सेवा प्रवाह, आर्थिक सुशासन, जनशक्ति व्यवस्थापन, सूचना व्यवस्थापनलगायत मापदण्ड निर्धारण गरिएका थिए । ‘हामीले न्यूनतम स्रोतसाधनको बाबजुद पनि उत्कृष्ट सेवाप्रवाहको प्रयास गरेका छौं,’ उनले भने, ‘यसकै प्रतिफलस्वरूप सम्मान भएको हो ।’


दैलेख जिल्ला अस्पतालमा दैनिक करिब दुई बिरामी स्वास्थ्य उपचारका लागि आउने गर्छन् । अस्पतालमा तीन जना चिकित्सकको मात्र दरबन्दी छ । जनशक्ति अभावको कारण स्थानीय तहका स्वास्थ्य संस्थामा रहेका स्वास्थ्यकर्मीलाई काजमा ल्याएर काम गराउने गरिएको डा. पन्तले बताए । स्थानीय सरकार आएपछि दैलेख जिल्ला अस्पतालले उनीहरूसँग सहकार्य गर्दर्ै सेवा प्रभावकारी बनाएको छ ।


अस्पतालमा केही समयअघि चिकित्सकको उच्च निगरानीमा गरिने उपचार (एचसीयु) कक्ष सुरु गरिएको छ । न्यून जनशक्ति र स्रोतसाधनको अभाव रहेको अस्पतालमा यो कक्षले स्तरीय अस्पतालको झल्को दिने गरेको छ । ‘हामीले अन्य क्लिनिकल सेवा पनि चुस्त र विश्वासिलो बनाएका छौं,’ डा. पन्तले भने, ‘भविष्यमा अझ उत्कृष्ट गर्दै लैजाने योजना छ ।’


मन्त्रालयको मूल्यांकनमा सल्यान जिल्ला अस्पताल दोस्रो भएको छ । प्रदेशका १२ वटा सरकारी अस्पतालको मूल्यांकन गरिएको थियो ।

प्रकाशित : भाद्र २७, २०७५ १०:२०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT