घाँटी रेटेर महिलाको हत्या 

बिप्लब महर्जन

सल्यान — शारदा नगरपालिका–८ मार्केको सिमखर्कमा अज्ञात ब्यक्तिले ५५ वर्षीया केवली सुनारको बिहीबार राति धारिलो हतियारले घाँटी रेटेर हत्या गरेको छ ।

लामो समय देखि छोराहरुसँग भारतमा बस्दै आएकी उनी चार दिन अघि मात्र घर आएकी थिइन्।

हत्यारा पत्ता लगाउन घटनास्थलमा कोहलपुरबाट ल्याएको कुकुर प्रयोग गरी अनुसन्धान भइरहेको जिल्ला प्रहरी कार्यालय सल्यानले जनाएको छ।

Yamaha


धारिलो हतियार सुनारको घाँटीमै भेटिएको जिल्ला प्रहरी कार्यालय सल्यानका सूचना अधिकृत प्रहरी निरीक्षक गिरीराज भण्डारीले बताए।

प्रकाशित : आश्विन २६, २०७५ ०८:५६
ADVERTISEMENT
प्रतिक्रिया
पठाउनुहोस्
ADVERTISEMENT

बझाङमा १० वर्षपछि जहाज

वसन्तप्रताप सिंह

बझाङ — करिब दशकपछि बझाङ विमानस्थलमा हवाईजहाज अवतरण भएको छ । ०६५ देखि बन्द विमान स्थलमा परीक्षण उडानका क्रममा आएको नेपाल वायुसेवा निगमको वाइ १२ ई जहाजले बुधबार अवतरण गरेको हो । 

बझाङ विमानस्थलमा अवतरण गरेको नेपाल वायु सेवा निगमको जहाज । तस्बिर : वसन्तप्रताप/कान्तिपुर 


नेपालगन्जबाट दिउँसो १२:२४ बजे उडेको ‘नाइन एन एकेयू कलसाइन’ को उक्त जहाज ४५ मिनेट लगाएर बझाङ पुगेको थियो । विमान स्थल नियमित उडान गर्न योग्य छ/छैन भनेर बुझ्न प्राविधिक टोलीसहित आएको जहाज २० मिनेट रोकिएर नेपालगन्ज फर्केको थियो ।

विमान सेवा सुचारु हुनुपर्ने माग राख्दै पटकपटक केन्द्रसम्म धाएका स्थानीय परीक्षण उडानपछि खुसी छन् । सातामा कम्तीमा दुई उडान हुन सके स्थानीयलाई राहत र जिल्लाको पर्यटन प्रवद्र्धन हुने उनीहरूको भनाइ छ ।

०३५ मा कच्ची विमानस्थल निर्माण सम्पन्न भएपछि पहिलोपटक तत्कालीन शाही नेपाल वायुसेवा निगमले साप्ताहिक उडान थालेको यो विमान स्थल ०६५ सम्म चालु थियो । पछिल्लो समय निगमबाहेकका निजी विमान कम्पनीहरूले पनि बझाङबाट नेपालगन्ज र धनगढीका लागि उडान भर्थे ।

०६५ मा बझाङ सदरमुकामसम्म बस चलेपछि यहाँ कुनै उडान भएको छैन । ०६६ मा नेपाल वायुसेवा निगमले बझाङ सदरमुकाममा रहेको आफ्नो कार्यालयसमेत बन्द गरेको थियो ।

प्रकाशित : आश्विन २६, २०७५ ०८:५२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT