मन्दिरहरुमा नयाँ लिंगो

महाअष्ठमीका नामले परिचित बिजया दसैंको बुधवार प्रमुख शक्तिपीठ बाला त्रिपुरासुन्दरी देवीको मन्दिर त्रिपुराकोटमा लिंगो फेरेर नयाँ ध्वजा हालिएको छ । साथै जिल्लाका विभिन्न देवी मन्दिरहरुमा पुराना लिंगो निकालेर ध्वजा (आलिम) सहित नयाँ लिंगो खडा गरिएको त्रिपुराकोटबाट बाला त्रिपुरासुन्दरी देवी मन्दिर पूजा व्यवस्थापन समितिसंयोजक तुलबहादुर विष्टले जानकारी दिए । उनका अनुसार बाला त्रिपुरासुन्दरी देवीको मन्दिर त्रिपुराकोटमा महाअष्टमीको दिन बुधबार भगवती, चण्डिका, कालिका र विक्रम शाही महाराजको लिंगो फेरिएको हो ।

बुधबारै डोल्पाको सदरमुकाम दुनैमा रहेको कालिका मन्दिर, सर्मी माई, बाला त्रिपुरासुन्दरी, कालिका मन्दिर दुनैमा पनि लिंगो फेरिएको छ । केही मन्दिरमा लिंगो फेर्न नेपाली सेनाको एक टुकुडीले स्थानीयहरुलाई सहयोग गरेको थियो ।