जग्गा खार्ने क्रममा बम भेटियो
सल्यान — शारदा नगरपालिका–३ बयलडाडामा मंगलबार दिउँसो प्रेसरकुकर बम भेटिएको छ ।
नगरपालिकाको डोजरले ओम शान्तिको भवन निर्माणका लागि जग्गा खार्ने क्रममा बम भेटिएको हो ।
बम नेपाली सेनाको टोलीले मंगलबार पौने ४ बजे डिस्पोज गरेको जिल्ला प्रहरी कार्यालय सल्यानका प्रहरी नायब उपरीक्षक वीरेन्द्रबहादुर शाहीले बताए ।
बम कसले ल्याएर राखेको भन्ने यकिन हुन सकेको छैन ।
प्रकाशित : मंसिर १८, २०७५ १६:१३प्रतिक्रिया