१० वर्षपछि पक्राउ

कर्तव्य ज्यान मुद्दामा २०६६ असोज २३ गते रुकुम जिल्ला अदालतले उनलाई २० वर्ष कैदको फैसला गरेको थियो । गाउँकै घ्यूकुमारी परियारसँग अवैध सम्बन्ध राखी परियारबाट जन्मेको नवजात शिशुको हत्या गरेको अभियोग खत्रीलाई लागेको थियो ।

२०६५ जेठ २३ गते खत्री र परियार मिलेर नवजात शिशुको हत्या गरेको पुष्टि गर्दै अदालतले दुवै जनालाई २० वर्ष कैद सजाय तोकेको थियो । परियार यसअघि नै पक्राउ परेर कैद भुक्तान गरिरहेकी छन् । १० वर्षदेखि खोजीको सूचीमा रहेका खत्रीलाई जिल्ला प्रहरी कार्यालयको विशेष टोलीले आइतबार बिहान पक्राउ गरेको जिल्ला प्रहरी निमित्त प्रमुख प्रहरी निरीक्षक प्रमोद क्षत्रीले बताए ।

पक्राउ परेका खत्रीलाई प्रहरीले अब अदालतमा पेस गर्नेछ । खत्रीलाई पुनरावेदन अदालतले पनि दोषि ठहर गरेको थियो । जिल्ला अदालतको फैसलाविरुद्ध खत्रीले पुनरावेदन अदालत तुलसीपुरमा रिट दायर गरेका थिए । पुनरावेदन अदालतले पनि जिल्ला अदालतकै फैसलालाई सदर गरेको थियो ।

यसैबीच एक जनाको शव भेटिएको छ । आइतबार बिहान मुसिकोट नगरपालिका ४, चाँपामा एक जनाको शव भेटिएको हो । मध्यपहाडी लोकमार्गकै छेउमा मुसिकोट नगरपालिका ५, का अन्दाजी ३६ वर्षीय प्रकाश परियार मृत भेटिएका हुन् । शनिबार बेलुकी ६ बजेट घरबाट निस्किएका उनलाई बिहान पैदल यात्रुले भेटाएका थिए ।