कान्तिपुर वेबसाईट
AdvertisementAdvertisement
१९.१२°C काठमाडौं
काठमाडौंमा वायुको गुणस्तर: २५४

नर्सरीबाट १० लाख आम्दानी

रुकुम पश्चिम — सानीभेरी गाउँपालिका ९, सुलीहालेका ३२ वर्षीय नरेन्द्र भण्डारी दैनिक १२ घण्टा नर्सरीमा व्यस्त हुन्छन् । उनको उष्णप्रदेशीय शशि नर्सरी तथा फलफूल फार्ममा वर्षेनि करिव ५० हजार विरुवा उत्पादन हुने गरेका छन् । वर्षेनि नर्सरीको क्षेत्रफल बढाउँदै गएपछि उनले मनग्गे आम्दानी गर्दै आइरहेका छन् ।

नर्सरीबाट उनले वार्षिक १० लाख रुपैयाँ आम्दानी गर्दै आइरहेको जनाए । विहान उठेदेखि नसुत्दासम्म उनी आफ्नो नर्सरीमै व्यस्त हुन्छन् । विरुवा लाउने, काँटछाँट गर्ने, सिँचाइ गर्ने, नराम्रो विरुवा हटाउने काम त नरेन्द्रले गर्छन् नै अलि अलि अनुसन्धानको काम पनि उनले गर्दै आएका छन् ।

विरुवाकै कामका लागि बाहेक अरु कामका लागि उनी कतै जादैनन् । उनी जिल्लाको पुरानो नर्सरीका सञ्चालक हुन् । २०४५ सालमा स्थापना गरिएको फार्ममा उनी २०६२ यता आफै जुटेका छन् । उनका बुवा शशिराम भण्डारीले नर्सरी स्थापना गरेका थिए ।

वर्षातको समयमा ४० देखि ४५ हजार विरुवा बिक्री गर्ने नरेन्द्रले हिउँदे सिजनमा पाँचदेखि आठ हजार विरुवा बिक्री गर्दै आएका छन् । उनको नर्सरीमा आँप, लिची, सुन्तला, कागती, अनार, अगुंर, वन पैदावारको विरुवाको साथै सजावटका विरुवा पाइन्छन् ।

उनले रुकुम पश्चिमको साथै रुकुम पूर्व, सल्यान, दाङ, रोल्पा, प्युठान, जाजरकोट, सुर्खेत, दैलेख सम्मका ग्राहकलाई विरुवा बेच्दै आएका जनाए । विरुवाका लागि आउने माग धान्न नसकेको उनको भनाइ छ । हाल उनको नर्सरीमा उनीसहित तीन जनाले दैनिक र सिजनका बेला पाँच जनाभन्दा बढीले काम गर्छन् । आनो तीन विगाह र १३ रोपनी जग्गा भाडामा लिएर विरुवा नर्सरी गरिरहेका छन् । आँप र लिचीका विरुवा पाइने नर्सरी कर्णाली प्रदेशमा आनो मात्रै रहेको दावी उनको छ ।

कामको सिलसिलामा भारत गएका उनका बाबु शशिराम भण्डारीले भारतमा देखे अनुसारको नर्सरी सुरु गरेका थिए । बाबुले नर्सरीमा काम गर्दा नै सघाउन थालेका नरेन्द्रले आफूले पनि अर्को पेशा नरोजी विरुवा उत्पादनमै लागेको बताए । ‘मैले नर्सरीमा काम गर्दै गरेर बीएड सम्मको अध्ययन पूरा गरेको छु,’ उनले भने, ‘आम्दानी पनि राम्रो हुने र रमाइलो पनि हुने भएकाले मैले अरु पेशा नरोजी बुबाकै पेसा अंगालेको हुँ ।’

उनका बुबाको निधनपछि उनले नर्सरीको जग्गा पनि बढाएका छन् । ‘बुवाको नर्सरीमा काम गर्ने तौरतरिका परम्परागत जस्तो थियो,’ उनले भने, ‘मैले काम गर्न थालेपछि जग्गा बढाएर समय अनुसारको बनाएको छु ।’ मेहनत गर्न सकेमा गाउँघरमै आम्दानी गर्न सकिने भनाइ उनको छ । २०४५ सालयता उनको नर्सरीमा झण्डै एक करोड बढी लगानी भएको छ ।

प्रकाशित : चैत्र ७, २०७५ ०९:५१
प्रतिक्रिया
पठाउनुहोस्
जनताको राय

पूर्वउपराष्ट्रपतिका छोरा तथा अखिल क्रान्तिकारीका महासचिव दिपेश पुनपछि सत्तारूढ माओवादीका उपाध्यक्ष तथा पूर्वसभामुख कृष्णबहादुर महरा सुन तस्करी अनुसन्धानमा पक्राउ परेका छन् । के सरकारले भ्रष्टाचारविरुद्ध शून्य सहनशीलता अपनाएकै हो त ?