४ लाख घूससहित डीएफओ पक्राउ
सुर्खेत — डिभिजन वन कार्यालय सुर्खेतका प्रमुख (डीएफओ) भक्तबहादुर लामा ४ लाख रुपैयाँ घूस सहित रंगेहात पक्राउ परेका छन् । वन प्रमुख लामालाई अख्तियार दुरुपयोग अनुसन्धान आयोगको टोलीले कार्यालयबाटै शुक्रबार दिउँसो ४ लाख घूससहित पक्राउ गरेको हो ।
अख्तियारका प्रवक्ता प्रदीपकुमार कोइरालाले लामालाई कार्यकक्षबाटै पक्राउ गरिएको जानकारी दिए । प्रवक्ता कोइरालाले घटनाबारे आवश्यक अनुसन्धान सुरु गरिएको जानकारी दिए । लामा छुटपूर्जीको म्याद थप गराउने बहानामा पक्राउ परेका हुन् ।