४ लाख घूससहित डीएफओ पक्राउ 

कृष्णप्रसाद गौतम

सुर्खेत — डिभिजन वन कार्यालय सुर्खेतका प्रमुख (डीएफओ) भक्तबहादुर लामा ४ लाख रुपैयाँ घूस सहित रंगेहात पक्राउ परेका छन् । वन प्रमुख लामालाई अख्तियार दुरुपयोग अनुसन्धान आयोगको टोलीले कार्यालयबाटै शुक्रबार दिउँसो ४ लाख घूससहित पक्राउ गरेको हो ।

अख्तियारका प्रवक्ता प्रदीपकुमार कोइरालाले लामालाई कार्यकक्षबाटै पक्राउ गरिएको जानकारी दिए । प्रवक्ता कोइरालाले घटनाबारे आवश्यक अनुसन्धान सुरु गरिएको जानकारी दिए । लामा छुटपूर्जीको म्याद थप गराउने बहानामा पक्राउ परेका हुन् ।

प्रकाशित : असार २७, २०७६ १६:३३
प्रतिक्रिया
पठाउनुहोस्

४९ स्थानमा प्राकृतिक विपद्का घटना

जनकराज सापकाेटा

काठमाडौँ — लगातारको वर्षाले देशैभरी प्राकृतिक विपत्तिका श्रृंखलाहरु निम्तिएका छन् । प्रहरी प्रधान कार्यालले दिउँसो १ बजेर ४५ मिनेटसम्म देशैभरीबाट संकलन गरेको सूचना अनुसार देशका विभिन्न ४९ स्थानमा प्राकृतिक विपद्का घटना भएका छन् ।

प्रहरीका अनुसार देशका विभिन्न २० स्थानमा पहिरो गएको छ । पाल्पा, काठमाडौं, पाँचथर, मकवानपुर, खोटाङ , दोलखा, रामेछाप, तेह्रथुम लगायतका जिल्लाहरुमा साना तथा ठूला पहिरो गएका हुन् । त्यस्तै देशका विभिन्न १६ स्थामा बाढीको प्रकोप देखा परेको छ ।

प्रहरीका अनुसार सुनसरीको हरिनगर गाउँपालिका-५ को सुकसेना टोलका झण्डै ६० घर बाढीको जोखिममा परेका छन् । त्यस्तै महोत्तरीको सदरमुकाम जलेश्वस्थित कारागारभित्र बाढी पसेका कारण कैदी बन्दीहरु समस्यामा परेका छन् । रौतहटको चन्द्रपुर नगरपालिका-२ स्थित पूर्व-पश्चिम राजमार्गमा वर्षाका कारण उत्पन्न बाढीले सवारी अवरोध भएको छ ।

प्रहरीका अनुसार काठमाडौंको विभिन्न स्थानमा बाढी पसेर क्षति पुर्‍याएको छ । कीर्तिपुरस्थित सुकुम्बासी बस्तीका झण्डै ६ घरमा बाढीको पानी पसेको छ । त्यस्तै गुर्जुधारास्थित बुंगुर र्फाममा पानी पसेर प्रभावित भएको छ । त्यस्तै बिहान थानकोटको बाँडभन्ज्याङबाट मसिने जाने बाटो पहिरोका कारण एकतर्फी मात्रै सञ्चनालमा आएको थियो ।

प्रकाशित : असार २७, २०७६ १६:३१
पूरा पढ्नुहोस्
प्रतिक्रिया
पठाउनुहोस्