चट्याङ लागेर २२ सैनिक घाइते

मंगलबार साझ ७ बजेर ५० मिनेटमा चट्याङ खस्दा शत्रुमर्दन गुल्मको दशरथचन्द नगरपालिका ३ कठपते स्थित तालिम स्थलमा २२ जना सैनिक घाइते भएका हुन । घाइते मध्ये ५ जनाको अवस्था गम्भिर रहेको शत्रुमर्दन गुल्मका सेनानी सुदीप बाँनियाले बताए ।

गम्भिर घाइते हुनेमा अमरसिंह आलेमगर, बलराम थापामगर, दिनेशराज भट्ट, धनबहादुर ठनेत र सोनाम लामा तामाङ छन् ।

उनीहरुलाई थप उपचारका लागि काठमाडौं पठाउने तयारी भएको सेनानी बाँनियाले बताए । सामान्य घाइते १७ जनाको बैतडी अस्पतालमा उपचार भइरहेको छ । हावाहुरीसँगै चट्याङ खसेको हो ।