चट्याङ लागेर २२ सैनिक घाइते

कान्तिपुर संवाददाता

बैतडी — बैतडीमा चट्याङ लागेर नेपाली सेनाका २२ जना घाइते भएका छन् । 

मंगलबार साझ ७ बजेर ५० मिनेटमा चट्याङ खस्दा शत्रुमर्दन गुल्मको दशरथचन्द नगरपालिका ३ कठपते स्थित तालिम स्थलमा २२ जना सैनिक घाइते भएका हुन । घाइते मध्ये ५ जनाको अवस्था गम्भिर रहेको शत्रुमर्दन गुल्मका सेनानी सुदीप बाँनियाले बताए ।

गम्भिर घाइते हुनेमा अमरसिंह आलेमगर, बलराम थापामगर, दिनेशराज भट्ट, धनबहादुर ठनेत र सोनाम लामा तामाङ छन् ।

उनीहरुलाई थप उपचारका लागि काठमाडौं पठाउने तयारी भएको सेनानी बाँनियाले बताए । सामान्य घाइते १७ जनाको बैतडी अस्पतालमा उपचार भइरहेको छ । हावाहुरीसँगै चट्याङ खसेको हो ।

प्रकाशित : फाल्गुन २, २०७४ १२:१०
ADVERTISEMENT
प्रतिक्रिया
पठाउनुहोस्
ADVERTISEMENT

प्रदेश २ को मुख्यमन्त्रीमा लालबाबु राउत

कान्तिपुर संवाददाता

जनकपुर — प्रदेश २ को मुख्यमन्त्रीमा संघीय समाजवादी फोरमका लालबाबु राउतलाई नियुक्त गरिएको छ । प्रदेश प्रमुख रतनेश्वरलाल कायस्थले फोरमका संसदीय दलका नेता राउतलाई मुख्यमन्त्रीको नियुक्तको पत्र दिएका छन् ।

कायस्थले मन्त्रिपिरषद विस्तारका लागि समेत राउत पत्र दिएका छन् । यो सँगै मन्त्रिपरिषदको लागि बाटो खुलेको छ ।

प्रदेश प्रमुखको कार्यालयमा आयोजित कार्यक्रममा नियुक्ति पत्र प्रदान गरिएको हो ।

मुख्य मन्त्रीमा नियुक्त भएपछि राउतले मधेसी सहिदको सपना 'मधेस सरकार' बनाउने सकार भएको बताए ।

प्रकाशित : फाल्गुन २, २०७४ ११:५५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT