चर्चमा बम बिस्फोट
धनगढी — कैलालीको धनगढी उपमहानगरपालिका–४ उत्तरबेहडीको महिमा चर्चमा अज्ञात समुहले शनिबार राति बम बिस्फोट गराएको छ ।
प्रेसर कुकुर बम पड्काउँदा घरको झ्याल र पर्खालमा क्षति भएको छ । जिल्ला प्रहरी कार्यालयका अनुसार झ्यालको सिसा फुटेको र पर्खालका केही भाग भत्केका छन् ।
भवनमा कोही नबस्ने भएकाले मानवीय क्षति नभएको प्रहरी उपरीक्षक बिनोद घिमिरेले बताए । बिस्फोट गराउनेको खोजी भइरहेको उनले बताए ।
प्रकाशित : वैशाख ३०, २०७५ १०:५४