बेवारिसे शव भेट्टियो
टीकापुर — कैलालीको टीकापुर नगरपालिका–३ शंकरपुरको जमरा कुलो किनारमा करिब २२ वर्षीय पुरुषको शव फेला परेको छ ।
अर्धनग्न अवस्थामा भेटिएको शवको पहिचान हुन नसकेको इलाका प्रहरी कार्यालय टीकापुरले जनाएको छ ।
गोठाला गएका स्थानीयले शव देखेपछि प्रहरीलाई खबर गरेका थिए । घटनाको प्रकृति हेर्दा अर्को ठाँउबाट शव ल्याएर फालेको हुन सक्ने इलाका प्रहरी कार्यालय टीकापुरका प्रमुख प्रहरी नायब उपरीक्षक शिवबहादुर सिंहले बताए ।
प्रकाशित : जेष्ठ ६, २०७५ १२:४५प्रतिक्रिया