प्रदेश ७ मा नेकपा संसदीय दलको नेतामा भट्ट, उपनेतामा शाह

भट्ट यसअघि माओवादी केन्द्रका तर्फबाट दलको नेता चयन भई मुख्यमन्त्री भएका थिए ।

एकीकरणअघि एमाले संसदीय दलको नेता रहेका प्रकाशबहादुर शाह नेकपाको उपनेता बनेका छन् । बैठकले प्रमुख सचेतकमा तारा लामा तामाङलाई चयन गरेको छ । उनी यसअघि एमालेबाट प्रमुख सचेतक थिए ।

यसैगरी सचेतकमा अक्कल रावल छ्नोट भएका छन् । बैठकमा नेकपाका स्थायी समिति सदस्यहरु भीम रावल र लेखराज भट्टको समेत उपस्थिति थियो ।