सडकमा ट्रक बिग्रिँदा महाकाली राजमार्ग अवरुद्ध

मनोज बडू

दार्चुला — बैतडीको सुर्नया गाँउपालिका–१ ढुङ्गाखानीमा सडकमै ट्रक बिग्रिँदा महाकाली राजमार्ग अन्तर्गतको सतबाँज–दार्चुला सडकखण्ड अवरुद्ध भएको छ । 

शनिबार दिउँसो दाङबाट दार्चुला जाँदै गरेको ना७ख ३२६ नम्बरको १० चक्के ट्रकको बाँया साइडको अगाडिको चक्का भाँचिएर सडक अवरुद्ध भएको प्रहरीले जनाएको छ ।

Yamaha

शनिबार अपरान्हदेखि उक्त सडकखण्डमा सवारीसाधन चल्न सकेका छैनन् । राजमार्ग अवरुद्ध हुँदा दार्चुलाबाट बैतडी, धनगढी, महेन्द्रनगर र काठमाडौं तथा काठमाडौं, महेन्द्रनगर, धनगढीबाट दार्चुला भित्रिने दर्जनौं साधन र सयांै यात्रु अलपत्र परेका छन् ।
ट्रक बनाउन आइतबार धनगढीबाट मिस्त्री बोलाएकाले साझसम्म यातायात सुचारु हुने प्रहरीको भनाई छ ।

Esewa Pasal

प्रकाशित : असार १७, २०७५ १२:२१
ADVERTISEMENT
प्रतिक्रिया
पठाउनुहोस्
ADVERTISEMENT

नियम निलम्बन गरेर चिकित्सा शिक्षा विधेयक अाजै संसद्‌मा

मकर श्रेष्ठ

काठमाडौँ — प्रतिनिधि सभा नियमावलीका केही नियम निलम्बन गरेर राष्ट्रिय चिकित्सा शिक्षा विधेयक आइतबार संसद्‌मा पेश गरिने भएको छ । 

सरकारले संसद्‌मा दर्ता गराएको विधेयक पाँच दिनमा पेश गर्नुपर्ने ब्यवस्था हटाएर शुक्रबार दर्ता गराइएको बिधेयक आजै संसद्‌मा पेश गर्न लागिएको हो।

त्यस्तै, विधेयक माथि संशोधनको सूचना दिने ७२ घण्टाको समय सीमालाई घटाएर ३ घण्टामा सीमित रहने गरी नियम निलम्बन गर्न लागिएको छ।

नेकपाका प्रमुख सचेतक देव गुरुङले नियम निलम्बनको प्रस्ताव गरेका छन् भने संघीय समाजवादी फोरमका प्रमुख सचेतक उमाशंकर अरगरियाले समर्थन जनाएका छन्।

राष्ट्रिय चिकित्सा शिक्षा अध्यादेश सरकारको सिफारिसमा बैशाख १३ गते जारी राष्ट्रपति बिद्यादेवी भण्डारीले गरेकी थिइन्।

संसद् सुरु भएको ६० दिनभित्र यसको प्रतिस्थापन विधेयक राष्ट्रपतिबाट प्रमाणीकरण गराइसक्नु पर्ने संवैधानिक ब्यवस्था छ। बैशाख २३ गते बजेट अधिवेशन सुरु भएसंगै असार २० गतेभित्र प्रतिनिधि सभा र राष्ट्रिय सभाबाट यो विधेयक प्रमाणीकरण गराइसक्नु पर्ने हुन्छ। यदि विधेयक प्रमाणीकरण नभएमा स्वत: निष्क्रिय भएको मानिन्छ।

सरकारले सत्तारूढ दलका नेता तथा कार्यकर्ता र चन्दादाताको स्वार्थ पूरा हुने गरी मेडिकल कलेजलाई सहजै सम्बन्धन दिन सकिने व्यवस्था राखिएको विधेयक शुक्रबार संसद्‌मा दर्ता गरेको थियाे ।

विधेयकमा सर्वसाधारणलाई चिकित्सा शिक्षा र स्वास्थ्य सेवा सहज र सुलभ बनाउनेभन्दा पनि कलेज सञ्चालकलाई फाइदा पुग्ने गरी ल्याइएको छ । आफ्नै अस्पताल नभए पनि मेडिकल कलेज खोल्न आशयपत्र दिन पाउने व्यवस्थाविधेयकमा गरिएको छ ।

एउटा विश्वविद्यालयले ५ भन्दा बढी कलेजलाई सम्बन्धन दिन नपाउने, अस्पताल तीन वर्ष पूर्ण रूपमा सञ्चालन भएको हुनुपर्ने, काठमाडौं उपत्यकामा १० वर्षसम्म सम्बन्धन नदिने अध्यादेशमा भएको प्रावधान हटाएकाे छ। काठमाडौं उपत्यकामा पनि मेडिकल कलेज खोल्न आशयपत्र दिन सक्ने व्यवस्था गरिएको छ । एउटा विश्वविद्यालयले ५ भन्दा बढी मेडिकल कलेजलाई सम्बन्धन दिँदा गुणस्तरको प्रश्न उठिरहेका बेला सरकारले अध्यादेशमा भएको व्यवस्था हटाएको छ।

प्रकाशित : असार १७, २०७५ ११:३३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT