दार्चुला र बैतडीको सीमामा पर्ने चमेलिया (चौलानी) नदीबाट अवैध रूपमा बालुवा चोरी निकासी भएको छ । दार्चुलाको शैल्यशिखर नगरपालिका ३ गाँजरी र बैतडीको डिलासैनी गाउँपालिका ५ रुद्रपुर नजिकबाट स्थानीय तहलाई थाहै नदिई बालुवा चोरी निकासी बढेको हो । ठेकेदार कम्पनीले अनुमतिबिना चौलानी नदीबाट बालुवा झिकेर बैतडीको करकलेमा जम्मा गरेको छ ।
मौसम बदली भएपछि सोमबार अवरुद्ध भएको नेपाल टेलिकम दार्चुलाका सबै सञ्चार उपकरण बुधबार दिउँसोबाट सुचारु भएका छन् । नेपाल टेलिकमका सबै सेवा भने मौसममा निर्भर छन् ।
प्रदेश ७ का प्रमुख चार नगरपालिकाहरूको फोहोर व्यवस्थापनका लागि निर्माण गर्ने भनेको ल्यान्ड फिल साइट स्थानीयवासीको विरोध र विवादका कारण अघि बढ्न सकेको छैन ।
रामारोशन गाउँपालिका–७ सुतारमा २ वर्षको अवधिमा ग्रामीण सडकबाट खसेको पहिरोमा परी ६ बालबालिकाको मृत्यु भइसकेको छ । गत वर्ष सुतारका स्थानीय कृष्ण सिंहकी ५ वर्षीया छोरी पूजा सिंहको सडकमा खस्दै गरेको पहिरोको ढुंगा लागेर ज्यान गयो ।
सहिद भीमदत्त पन्तका नामबाट उनको जन्मस्थल अमरगढी नगरपालिकाको कारीगाउँमा संग्रहालय र आदर्श बस्ती निर्माण कार्य सुरु गरिएको छ । सरकारले पहिलो पटक विकास बजेट छुट्याएर सहिद पन्तको नामबाट संग्रहालय र आदर्श ग्राम निर्माण सुरु गरेको हो ।
बझाङमा भएका मोवाइल सेवाप्रदायक नेपाल टेलिकम, एनसेल र स्मार्टसेलको सेवा अवरुद्ध हुँदा सेवाग्राहीलाई समस्या हुन थालेको छ । असारको दोस्रो साता देखी दैनिक १८ घण्टा सम्म मोबाइल र ल्यान्डलाइन सेवा अवरुद्ध हुन थालेपछि सिंगो जिल्ला नै सञ्चार सम्पर्क विच्छेद हुन थालेको हो ।
सरकारले सामाजिक सुरक्षा भत्ता बैंकमार्फत वितरण गर्ने नीति लिएको छ । तर, प्रदेश सातका दुर्गम क्षेत्रमा अहिले पनि स्थानीय तहले नगद वितरण गर्दै आएका छन् ।स्थानीय तहमा बैंक नभएपछि सामाजिक सुरक्षा भत्ता नगद वितरण गर्नु बाध्यता भएको जनप्रतिनिधिको भनाइ छ ।
किशोरी हत्या प्रकरणको अनुसन्धानमा ढिलाइ भएको महेन्द्रनगरमा दिनहुँ प्रदर्शन भइरहेको छ । शव भेटिएकै दिनदेखि हत्यारा पत्ता लगाउन माग राख्दै स्थानीयले प्रदर्शन गरेका हुन् ।
