अरिंगालले टोकेर बालकको मृत्यु
बझाङ — अरिंगालले टोक्दा ३ वर्षीय बालकको मृत्यु भएको छ । केदार स्यु गाँउपालिका-२ कोटिगाँउ बस्ने रणबहादुर विष्टका ३ वर्षीय छोरा कुमार विष्टको मृत्यु भएको हो ।
अरिंगालको टोकाईबाट सोही गाउँका अन्य ३ जना बालक घाईते भएका छन् ।
घाईते हुनेहरुमा ५ वर्षीय अमित विष्ट, ४ वर्षीय भरत विष्ट र ७ वर्षीया रूपा विष्ट रहेको प्रहरीले जनाएको छ । घाइतेहरुको प्राथमिक स्वास्थ्य केन्द्र देउरामा उपचार भइरहेको छ ।
घर नजिकैको टुनीको रुखमा रहेको अरिंगालको गोलोमा खेल्ने क्रममा ढुंगा हानेपछि अरिंगालले टोकेको जिल्ला प्रहरी कार्यालयले जनाएको छ ।
प्रकाशित : आश्विन २८, २०७५ १८:३८प्रतिक्रिया