व्यापारिक भवनमा आगलागी
धनगढी — सुदूरपश्चिम प्रदेशको धनगढीमा रहेको दुई तले भवनमा आगलागी भएको छ । गणेश लक्ष्मी इन्टरप्राईज रहेको भवनको माथिल्लो तलामा सोमबार दिउँसो आगो लागेको हो ।
आगलागीबाट जुत्ता चप्पललगायतका भन्डारण गरिएका सामान जलेका छन् । भवनको तल्लो तलामा व्यापारी प्रेम गौतमले जुत्ता चप्पलका होलसेल पसल सञ्चालन गरेका छन् ।
आगो धनगढी उपमहानगरपालिकोको दुई वटा दमकलका साथ स्थानीय ब्यापारी र सुरक्षाकर्मीले निभाएका थिए ।
आगो लाग्नुको कारण खुलेको छैन । भवनको माथिल्लो तलामा विद्युत् लाइन सर्ट भएको आशंका गरिएको छ । भूइँतालाका सटर पसलका सामानमा पनि आशिंक क्षति पुगेको जिल्ला प्रहरी कार्यालयले जनाएको छ । उनका अनुसार आगजनी भएको घरभित्रका सबै सामान सुरक्षित स्थानमा सार्ने काम भइरहेको छ ।
प्रकाशित : कार्तिक ५, २०७५ १७:४४