जिप दुघर्टनामा तीन घाइते
दार्चुला — महाकाली नगरपालिका-२ सेलाबाट यात्रु पुगाएर सदरमुकाम खलंगा फर्कने बेला जिप दुर्घटना हुँदा तीन जना घाइते भएका छन् ।
से१ज २६७ नम्बरको जिप महाकाली नगरपालिका-३ काटै नजिक दिउँसो ५ बजे दुर्घटना भएको प्रहरीले जनाएको छ ।
जिप दुर्घटना हुँदा सवारी चालक महाकाली नगरपालिका-४ बङ्गाबगडका जागिरा नामले चिनिने गगनसिंह धामी, दुहु गाउँपालिका-३ पोक्स्याका कैले भट्ट र नौगाड गाउँपालिका-२ खारका रघुवीर सिंह ठगुन्ना घाइते भएको स्थानीय मुकेश जोशीले जानकारी दिए । घाइते तीन जनामध्ये सवारी चालक जागिरा सख्त घाइते रहेको प्रहरीले जनाएको छ ।
घाइते तीनै जनालाई नेपाल प्रहरी र सशस्त्र प्रहरीको टोलीले उद्धार गरी उपचारका लागि जिल्ला अस्पताल पुर्याएको घटनास्थलमा पुगेका डिएसपी नवराज अधिकारीले बताए । जिप सडकबाट करिब दुई सय मिटर तल खोलामा खसेको जनाएको छ ।