शिखरमा नगर बस
डोटी — शिखर नगरपालिकाले आइतबारदेखि नगरबस सञ्चालन गरेको छ । नगरभित्र यातायात सेवा उपलब्ध गराउने उद्देश्यले सञ्चालन गरिएको नगर बस सेवाको आइतबार नगर प्रमुख सीताराम जोशीले उद्घाटन गरेका छन् ।
५६ लाख ६० हजार लगानीमा २६ सिट क्षमता भएका २ बस सञ्चालन गरिएको छ । नगरपालिकाले कोरालखोलादेखि जिल्ला सदरमुकाम सिलगढीसम्म यातायात सेवा उपलब्ध गराउने योजना रहेको उद्घाटन कार्यक्रममा जानकारी दिइएको छ ।
निजी क्षेत्रबाट सञ्चालन हुने सवारी साधनको भाडाभन्दा २० प्रतिशत न्युन भाडादर कायम गरिएको नगरपालिकाको कार्यालयले जनाएको छ ।
यसअघि दिपायल सिलगढी नगरपालिकाले नगर बस सेवा सञ्चालनमा ल्याएको थियो । आर्थिक पारदर्शिताका लागि अनुगमन समिति तथा ब्यवस्थापन समिति गठन तथा निर्देशिका तयार पारिएको कार्यकारी अधिकृत धर्मराज बिनाडीले बताए ।
प्रकाशित : पुस १६, २०७५ १०:१२प्रतिक्रिया
