घाम नलाग्दा तीनदिनयता सञ्चार अवरुद्ध

यसअघि दुई साता पहिले पनि हिमपातका कारण बन्द हुन पुगेको नेटवर्क फेरि अवरुद्ध भएको हो । विद्युतकै कारण पटक–पटक जिल्लाको सञ्चार अवरोध हुदा समेत कसैको ध्यान पुग्न सकेको छैन । घाम नलागेका कारण शुक्रबार बेलुकादेखि बन्द रहेका टेलिफोनहरु अझै सञ्चालनमा आउन सकेका छैनन् ।

नमस्ते, स्काई मोबाईल, एडिएसएल इन्टरनेट लगायत सबै किसिमका सेवा बन्द रहेको नेपाल टेलिकम दार्चुलाले जनाएको छ । ल्याण्डलाईन फोनमा स्थानीय कलमात्र गर्न मिल्ने सेवा टेलिकमले जनाएको छ ।

मालिकार्जुन गाँउपालिकाको बालशिखरस्थित रिपिटर टावरसम्म विद्युत लाइन नपुग्दा जिल्लाको सञ्चार सेवा घामका भरमा रहेको छ । टेलिफोन र इन्टरनेट सेवा अवरुद्ध हुदा सरकारी गैरसरकारी, बैंक लगायतका सेवाहरु बढी प्रभावित भएका छन् ।