कैलालीमा बिहेकाे गाडीमा आगजनी, तीनजना पक्राउ
धनगढी — नेत्रविक्रम चन्द (विप्लव) समूहका कार्यकर्ताले कैलालीमा बिहेको गाडी जलाएका छन् । जिल्ला प्रहरी कार्यालयका प्रमुख एसपी आभुषण तिम्सिनाले म १ ख ४४१ नम्बरको बसलाई कैलालीको मसुरिया र बडैपुरको नजिकमा बिहेको गाडी जलाएको बताए ।
भजनीबाट आइरहेका बेला बडैपुरमा राति १ बजे विप्लवका कार्यकर्ताले रोकेर आगजनी गरेकोे उनले बताए । उनका अनुसार बसमा जन्ती र बाजा बजाउने टोली थिए । उनीहरुलाई बाहिर निकालेर आगजनी गरेका हुन ।
यसैगरी, बिहीबार बिभिन्न ठाउँमा शंकास्पद वस्तु भेट्टएिको छ । उक्त समूहले आज आयाेजना गरेकाे बन्दका कारण धनगढी, टिकापुर, सुख्खड, लम्की, भजनी लगायतका बजारहरु समेत बन्द छन् । लामो तथा छोटो दुरीका बसहरु समेत चलेका छैनन् । बजारमा अटोरिक्सा र मोटरसाइकल मात्रै चलेका छन् । बन्दका कारण बाटोमै रोकिएका गाडीलाई प्रहरी स्कर्टिङमा बिहान गन्तब्यमा पठाइएकाे थियाे।
यसैबीच विप्लवका तीन कार्यकर्तालाई प्रहरीले पक्राउ समेत गरेको छ । उनीहरुलाई गोदावरी सडक खण्ड छेउबाट पक्राउ गरेको जनाएको छ ।
प्रकाशित : फाल्गुन ३०, २०७५ १२:०२