सिस्नु लगाउँदै साली–भिनाजु

पुतला खेलेर पनि नयाँ वर्ष मनाउने चलन छ । भारत गएकाहरू गाउँ फर्किएका छन् । गाउँका सार्वजनिक स्थलमा पुतला खेलले रौनकता छाएको छ । बिसु पर्वमा सेलरोटी, मासको फाँडो, भात, मासको बटुक, फाउने माडा यस पर्वमा पकाइने मुख्य परिकार हुन् ।

‘बिसु पर्वमा विवाह गरेका छोरी, नन्दहरू माइती घरमा आएर रमाइलो गर्ने चलन छ,’ मंगलसैन ५ कि झुमा भाटले उनले भनिन्, देवर–भाउजू, नन्द–भाउजू, साली–भिनाजुले एक आपसमा सिस्नु चिलाएर रमाइलो गर्छन् ।’ यो चलन जिल्लाभर छ ।

वर्षको सुरुआतमा रमाइलो गर्ने, मिठो परिकार बनाएर खुवाउँदा सामाजिक एकता, सद्भाव कायम हुने र वर्षभरि सुख, शान्ति र समृद्धि आउने विश्वास रहेको स्थानीय बताउँछन् । ‘नयाँ वर्षका रूपमा मनाइने यो पर्वका दिन प्रत्येक घरमा ‘गतानी डुब्का’ स्थानीय खानाको परिकार) पकाउने चलन छ ।