‘बाली बिमा अनिवार्य’

बिमा रकम तिर्ने लोभले र कतिपय किसानलाई कृषि बिमाबारे जानकारी नहुँदा किसानले चासो नदेखाएको केराका अग्रणी किसान कालु हमाल बताउँछन् । उनले भने, ‘यो बाली सखाप भए भोकै मरिन्छ भन्ने डर यहाँका किसानलाई छैन ।

पैसा फोकटमा जान्छ भन्ने सोच छ ।’ सरकारले किसानको बाली जोखिम कम गर्न प्रत्येक वर्ष रकम विनियोजन गरे पनि धेरै रकम विभागमै थन्किने रानी जमरा कुलरिया सिँचाइ आयोजनाको कृषितर्फको कार्यालयका प्रमुख भरत कँडेलले बताए । उनले भने, ‘यो आयोजनाबाट बढी रकम अनुदान लिएर कृषि गर्नेलाई बाली बिमा अनिवार्य गर्ने सोचिरहेका छौं ।’

अनुदानबाट गरिएको खेतीको जोखिम कम होस् र किसानलाई पनि अर्को बाली लगाउन सजिलो होस भनेर बाली बिमा अनिवार्य बनाउने सोच बनाएको कडेलले बताए । उनका अनुसार बाली बिमाबारे किसानलाई फाइदा तथा प्रक्रिया बुझाउन कार्यालय जुटिरहेको कँडेलको भनाइ छ ।