अज्ञात समूहद्वारा वडा कार्यालयमा आगजनी
डोटी — डोटीको बडीकेदार गाउँपालिका ५ मान्नाकापडीको वडा कार्यालयमा आगजनी भएको छ । सोमबार राति वडा कार्यालयमा आगजनी भएको वडाअध्यक्ष बिरेन्द्र कोटकेनीले जानकारी दिएका छन् ।
उनले नेत्रविक्रम चन्द समूहले आगजनी गरेको हुन सक्ने अनुमान रहेको बताए । वडाध्यक्ष कोटकेनीले आगजनीबारे बिहानमात्र आफूले स्थानीयमार्फत जानकारी पाएको बताए ।
आगजनीबाट वडा कार्यालयको एक कोठे कच्ची भवन पूर्णरुपमा जलेको छ । कार्यालयका कागजात, फर्निचर लगायत सम्पूर्ण सामान जलेका छन् ।
घटनाबारे जानकारी पाएपछि बिपीनगर प्रहरी चौकीबाट प्रहरी निरीक्षकको नेतृत्वमा टोली खटाइएको निमित्त प्रमुख जिल्ला अधिकारी टेकनारायण पौड्यालले बताए ।
प्रकाशित : वैशाख २४, २०७६ ०९:५७प्रतिक्रिया