कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १५५

नसर्ने रोग बढ्दै

टीकापुर — सर्नेभन्दा नसर्ने रोगका कारण मानव मृत्यु दर बढदै गएको छ । आधुनिक जीवनशैलीका कारण नसर्ने रोगबाट हुने मृत्युदर बढदै गएको हो । 

सहरीकरण र आधुनिकीकरणले मानिसको जीवनशैली, खानपानमा आएको परिवर्तनले नसर्ने रोगबाट मृत्यु हुनेको संख्या बढेको डा. अनुपविक्रम बीसीले बताए । उनले भने, ‘नेपालमा ६६ प्रतिशत मृत्युको कारण नसर्ने रोग बनेको छ ।’ डा. बीसीसहित विश्व स्वास्थ्य संगठनको टोली हालै टीकापुर पुगेर यसबारे अध्ययन गरेको हो ।


नसर्ने रोगले लामो अवधि र सुस्त गतिमा असर पार्छ । यस्ता रोग लागेकाहरू तत्काल उपचार नगर्ने र अन्तिम अवस्थामा मात्र अस्पताल जाँदा आर्थिक खर्च बढेको तथा रोग पनि निको नहुने डा. बीसीको भनाइ छ । उनका अनुसार नेपालमा करिब ६० देखि ७० हजार क्यान्सर रोगी अस्पताल पुग्छन् ।


अस्पताल गएका करिब ७० प्रतिशतको मृत्यु हुने गरेको तथ्यांक छ । उनले भने, ‘समयमा अस्पताल गए कम्तीमा ६० प्रतिशतलाई बचाउन सकिन्छ ।’ नसर्ने रोगले नेपालमा करिब २५ हजारको मृत्यु हुने गरेको छ । विश्वमा करिब ४ करोड १० लाखको नसर्ने रोगबाटै मृत्यु हुने विश्व स्वास्थ्य संगठनको तथ्यांक छ ।


सुर्तीजन्य पदार्थ, मदिरा सेवन, बढी नुनिलो गुलियो र चिल्लो खानेकुरा खाने, नियमित व्यायाम नगर्ने कारणले नसर्ने रोग लाग्ने उनको भनाइ छ । नेपालमा मुटु तथा रक्तनलीसम्बन्धी रोग, मधुमेह, दीर्घ श्वासप्रश्वास र क्यान्सरलाई सरकारले नसर्ने रोगका रूपमा लिएको छ ।


यी रोगबाट बच्न र बचाउन सुरुमा स्वास्थ्य बिमा लागू भएका कैलाली र इलामबाट अभियान सुरु गरिएको छ । टीकापुर नगरपालिकामा पनि ‘म स्वस्थ, मेरो नगर स्वस्थ’ मेरो वर्ष अभियान २०७६ नाराका साथ अभियान थालिएको छ ।

प्रकाशित : जेष्ठ २४, २०७६ १०:२०
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?