मन्त्रीलाई कालोझन्डा देखाउँदा झडप
कञ्चनपुर — खानेपानी तथा सरसफाइमन्त्री विना मगरलाई कालो झन्डा देखाउने क्रममा झडप हुँदा मंगलवार २ जना घाइते भएका छन् । कञ्चनपुरको पुनर्वास नगरपालिका ११ डोकेबजारमा कालोझण्डा देखाउने क्रममा नेकपा र नेपाली कांग्रेस कार्यकर्ताबिच झडप भएको हो ।
झडपमा परी कांग्रेसका विक्रम चन्द र गोपी उपाध्याय घाइते भएको प्रहरीले जनाएको छ । उपाध्यायको हातमा सामान्य चोट लागेको छ भने चन्दको टाउकोमा चोट लागेर धनगढीमा उपचार भईरहेको इलाका प्रहरी कार्यालय पुनर्वासका इन्चार्ज प्रहरी निरिक्षक कर्ण बमले बताए ।
मन्त्री मगर मंगलबार बिहानै बेलौरी र पुनर्वास नगरपालिकाको नगरसभा उद्घाटनका लागि आउने क्रममा नेपाली कांग्रेसका कार्यकर्ताले डोकेबजारमा कालोझण्डा देखाउने खोजेका थिए । नेकपाका कार्यकर्ताले उक्त प्रदर्शन रोक्न खोज्दा झडप भएको हो ।
प्रकाशित : असार ११, २०७६ ०९:३०