प्रदेश सांसदलाई ल्यापटप 

ल्यापटप खरिद अन्तिम चरणमा पुगेको सचिवालयका एक कर्मचारीले बताएका छन् । ‘सबै काम अन्तिम चरणमा पुगेको छ,’ उनले भने ‘आउँदो साताभित्र सांसदको हातमा एकएक ल्यापटप पर्छ,’ प्रदेशसभा सचिवालयले जनाएको छ ।

सदूरपश्चिम प्रदेशसभामा मन्त्री, सभामुख र उपसभामुखसहित ५३ सांसद छन् । मन्त्रीबाहेक ४५ प्रदेशसभा सदस्यलाई ल्यापटप उपलब्ध गराउन लागिएको हो । २७ लाख ८३ हजारको ल्यापटपका लागि धनगढीको उग्रतारा टेक्निकल गुड सप्लायर्सको टेन्डर स्वीकृत भएको एक कर्मचारीले बताए ।