स्थानीय तहमा चन्द समूहद्वारा तालाबन्दी

पर्चामा नेकपा सेती महाकाली ब्युरो लेखिएको छ । जिल्ला प्रहरी कार्यालयका अनुसार महाकाली नगरपालिकाको कार्यालय, वेदकोट नगरपालिका १ को वडा कार्यालय, शुक्लाफाँटा नगरपालिकाको कार्यालय तथा ५, ६ र ८ नम्बर वडा कार्यालय, कृष्णपुर नगरपालिकाको कार्यालयमा ताला लगाइएको हो ।

लगाइएको ताला आइतबार बिहानै स्थानीय तहसँगको समन्वयमा तोडिएको जिल्ला प्रहरी कार्यालय कञ्चनपुरका एसपी दिनेश आचार्यले बताए । उनले ताला लगाउने व्यक्तिको खोजी भइरहेको र शंकास्पद ठाउँमा सुरक्षाकर्मी परिचालन गरिएको बताए ।