भोलिदेखि दुई फिल्म लाग्दै

कान्तिपुर संवाददाता

काठमाडौ — फिल्म रिलिजको शुक्रबारे परम्परामा क्रमभंग गर्दै 'मेरो माया तिमीलाई' र 'जब जब माया बस्छ' बिहीबारदेखि प्रदर्शनमा आउने भएका छन् ।

दुवै फिल्म उपत्यकाबाहिर सार्वजनिक हुन लागेका हुन् ।
योगेश घिमिरे निर्देशित 'मेरो माया...' उपत्यकाबाहिर रिलिज भएको एक दिनपछि नै उपत्यकामा पनि लाग्नेछ । दुव्र्यसनका कारण भत्किएको सम्बन्धले निम्त्याएको पारिवारिक समस्यालाई देखाएर सन्देशमूलक बनाउन खोजिएको फिल्ममा सुशील क्षेत्री, जेसिका खड्का लगायतको अभिनय छ । स्त्रिmप्ट तथा संवाद जीबी रुवालीले लेखेका हुन् । द्वन्द्व हिमाल केसीको छ भने गणेश श्रेष्ठको छायांकन । उक्त फिल्म सोमबार राजधानीमा पि्रमियर गरिएको थियो ।
यसअघि 'दाग' मा सँगै काम गरेका निर्माता मणिराज पौडेल र निर्देशक विजय थापा 'जब जब...' मा पनि दोहोरिएका छन् । काठमाडौं, चितवन र सिक्किममा छायांकन गरिएको फिल्म प्रेमकथामा आधारित छ । सचिन सिंहले संगीत भरेको यस फिल्ममा जीवन लुइँटेल, रेखा थापा, सुनील दत्त, गणेश उप्रेती, सृजना बस्नेत लगायतको अभिनय छ ।
कमल राई र गोविन्द राईले संयुक्त रूपमा नृत्य निर्देशन गरेका छन् । कथा अशोक ढकालले लेखेका हुन् ।

प्रकाशित : मंसिर ७, २०६८ ०९:३५
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

नारदलाई पितृशोक

कान्तिपुर संवाददाता

काठमाडौ — अभिनेता नारद खतिवडा पितृशोकमा परेका छन् ।

उनका पिता मोहनप्रसादको ६४ वर्षको उमेरमा ललितपुर-४, धोबीघाटस्थित निवासमा गत बुधबार निधन भएको छ । उनी लामो समयदेखि मधुमेह रोगबाट पीडित थिए । मोहनप्रसादका दुई श्रीमती, एक छोरा र तीन छोरी छन् । नारद बानेश्वर हाइटस्थित पूजा प्रतिष्ठानमा क्रियापुत्री बसेका छन् ।
३४ वषर्ीय हास्य अभिनेताले अहिलेसम्म करिब चौध फिल्म, पन्ध्र टेली सिरियल र पाँच टिभी कार्यक्रममा काम गरिसकेका छन् । उनी डेढ महिनाभित्र आठवटा आधुनिक गीत भएको एल्बम 'खुर्पाको
बिँड' बजारमा ल्याउँदै छन् । उनले यसअघि 'लुलो पाइलो,' 'बाउको बिँडो' र ' विद्यानाश' एल्बम सार्वजनिक गरिसकेका छन् ।

प्रकाशित : मंसिर ७, २०६८ ०९:३५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT