‘इन्डियन भैया भन्न कहाँ पाइन्छ.

कान्तिपुर संवाददाता

काठमाडौं — संघीय गठबन्धनको सिंहदरबार घेराउको दोस्रो दिन सोमबार माइतीघर मण्डला र हनुमानथान संगीतमय बने

दौरासुरुवाल र टोपी ला’को छैन भन्दैमा धोती कुर्ता र गम्छा लाएको छ भन्दैमामलाइ इन्डियन भैयाभन्न भन्न कहा पाइन्छम त नेपालको माया गर्ने मान्छे मलाई नेपाली माया चाहिन्छ ।

। अपराह्न तीन बजेसम्म दन्तचिकित्सक आभास लाभ माथिको ‘पहिचान–प्यारोडी’ २१ औं पटक गाउँदैथिए । गीत सकिन पाएको छैन, फेरि ‘वान्स मोर’ बर्सिइहाल्छ । लाभसग टास्सिएर फोटो र सेल्फी खिचाउने उत्तिकै ।‘देश र मधेस दुवैलाई मुटुा राखेर यो गीत लेखेको हुँ, सत्तामा बसेका पार्टीले हामीलाई बुझ्नै खोजेनन्,’ गीत सकिएपछि जनकपुरका लाभले कान्तिपुरसँग कहे, ‘आखिर हामीले खोजेको पहिचान, सम्मान र बराबरीको अधिकार न हो ।’ आस्था राउतको ‘चौबन्दी र पटुकी बाध्या छैन भन्दैमा’ गीतमा उनले बनाएको ‘पहिचान – प्यारोडी’ अहिले अधिकांश प्रदर्शनकारीको मोबाइलमा घन्किन्छ । त्यसपछि उनी भोजपुरी, मैथिलीमा पनि गीत सुनाउँछन् । तीमध्ये कतिपय प्रधानमन्त्री केपी ओली र ठूला दलमाथि लक्षित छन् । कतिसम्म भने सुरक्षाकर्मी समेत उनको प्रस्तुत चाख मानेर सुन्छन् । फोटो खिच्छन् । ‘हामीलाई अब मधेस आन्दोलनकारी भनेर पुग्दैन, अब हाम्रो मुद्दा राष्ट्रिय भइसक्यो,’ लाभले भने, ‘नपत्याए हेर्नुस्, यो देशका सबै जाति, भाषा, धर्म संस्कृति मान्ने सबै भेगका अनुहार यहाँ छन् ।’

गठबन्धन आबद्ध २९ जातीय, क्षेत्रीय दलले आइतबार र सोमबार आयोजना गरेको दुईदिने सिंहदरबार धर्नामा मधेस, पहाड सबैतिरका जातीय, सांस्कृतिक झाँकी प्रदर्शित थिए । प्रदर्शनकारीमध्ये कतिपय आफ्नै सांस्कृतिक पोशाकमा उपस्थित रहे । गठबन्धनले मंगलबार भने आफ्नो प्रदर्शन बालुवाटारस्थित प्रधानमन्त्री निवास अघिल्तिर सार्ने भएको छ । प्रधानमन्त्री केपी ओलीले प्रशासनिक केन्द्रको नाका घेर्ने आन्दोलनलाई तमासा भनी आरोपित गरेकाले उनलाई सन्देश दिन बालुवाटार सार्नुपरेको सद्भावना पार्टीका महासचिव मनिषकुमार सुमनले बताए ।संघीय प्रदेशको सीमांकन हेरफेर, संविधान प्रावधानमाथि असहमतिलगायत २६ बुँदे मागसहित गठबन्धन आन्दोलनमा छ । कहिले सीमा नाका धर्ना, कहिले काठमाडौं उपत्यका । मधेसी मोर्चा र गठबन्धनको आन्दोलन अझै कहिले सम्म त ? ‘हरेक नेपालीलाई हरेक नेपाली मजत्तिकै बराबर हो भन्ने अनुभूति नहुन्जेल असन्तुष्टि रहिरहन्छ, राष्ट्र विकासको प्रक्रियामा आन्दोलन एउटा अवयव हो,’ लाभ गम्भीर जवाफ दिन कस्सिए, ‘यसलाई अनौठो र अस्वाभाविक रूपमा लिने होइन, प्रेम र सद्भावमा विकास गर्नुपर्छ । आन्दोलन अहिल्यै सफल नहोला, तर सत्ताले यो आवाजलाई सुन्नुपर्छ ।’
त्यसपछि थपे :
ढाका टोपी राम्रै लाग्छ लाउने बानी छैन
दोहोरी मारुनी मन पर्छ गाउने बानी छैन
होली झिंझिया नाच्न खेल्न मेरो मन रमाउछ
मधेसी हुँ, नेपाली हुँ मेरो आफ्नै मान छ ।

प्रकाशित : असार २२, २०७३ १६:०७
ADVERTISEMENT
प्रतिक्रिया
पठाउनुहोस्
ADVERTISEMENT

कोइरालाको स्वास्थ्यस्थिति अझै गम्भीर

उपचारका लागि विदेश लैजाने टुंगो लागेन
अ‌ंगद ढकाल

काठमाडौं — उपचारमा संलग्न चिकित्सकहरुले कांग्रेस महामन्त्री डा. शशांक कोइरालाको अवस्था अझै गम्भीर रहेको बताएका छन् । बुधबार ३ बजे पत्रकारहरुलाई गरिएको ब्रिफिङमा अझैपनि भेन्टिलेटरमै रहेको जानकारी गराइयो ।

उपचारमा संलग्न चिकित्सकहरुले कांग्रेस महामन्त्री डा. शशांक कोइरालाको अवस्था अझै गम्भीर रहेको बताएका छन् । बुधबार ३ बजे पत्रकारहरुलाई गरिएको ब्रिफिङमा कोइराला अझैपनि भेन्टिलेटरमै रहेको जानकारी गराइयो ।

‘औषधिले काम गरिरहेको छ, यद्यपी अवस्था गम्भीर छ’ डा. लभनरसिंह जोशी भने, ‘२४ घण्टा नहेरेसम्म केही भन्न सकिने अवस्था छैन ।’

यसअघि कांग्रेस सभापति शेरबहादुर देउवाले एयर एम्बुलेन्सबाट बिदेश लगेर भएपनि उपचार गराउने भने पनि अझै टुङ्गो लाग्न सकेको छैन । उपचारमा संलग्न चिकित्सकले उपचारका लागि लैजानेसमयलाई बिरामीको शरिरले थेग्न सक्ने वा नसक्ने भन्न नसकिने उल्लेख गरे । यद्यपी यस विषयलाई खुला राखेको बताएका छन् ।

म‌ंगलबार बेलुका ८ बजे अचानक असजिलो महसुस भएपछि ओम अस्पताल पुगेका महामन्त्री कोइरालाको रक्तचाप केही न्युन रहेको देखिएपछि उनलाई अस्पताल भर्ना गरिएको थियो ।

तर, बुधबार बिहान ५:३० बजे उनलाई नर्सहरुले अर्धचेत अवस्थामा देखेपछि चिकित्सकलाई खबर गरेका थिए । त्यतिबेला उनको रक्तचाप ६०/४० थियो भने शरिरमा अक्सिजन लेभल मात्र ६९ प्रतिशत थियो । उनले बान्ता पनि गरेका थिए । त्यसपछि चिकित्सकले उनलाई ‘सिपिआर’दिनुका साथै इनट्युबेट गरेका थिए । लगत्तै उनलाई भेन्टिलेटरमा राखिएको थियो ।



प्रकाशित : असार २२, २०७३ १५:५९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT