कुबेतमा : के गर्ने ? के नगर्ने ?

कान्तिपुर संवाददाता

काठमाडौं — य तिखेर खाडीमा रहेका नेपाली समाजमध्ये कुबेतमा बिस्तारै नराम्रो छाप पर्ने क्रम बाक्लिँदै छ । आफ्नो भविष्य खोज्दै कुबेतमा पुगेका कतिपय नेपालीको अवाञ्छित क्रियाकलापबाट समाजकै बदनाम हुन गइरहेको छ


 । हरेक दिनजसो स्थानीय सञ्चारमाध्यममा नेपालीहरू आपराधिक क्रियाकलापमा लागेको फोटोसहित घटनाहरू सार्वजनिक हुने क्रम छ । 
केही दिनअघि कुबेतको सल्वा क्षेत्रमा प्रहरीले ‘रक्सी भट्टी’ नै फेला पार्‍यो । २५० वटा ड्रम र १५ सय बोत्तलमा रक्सी बनाएर राखिएको अवस्थामा काम गर्ने ७ नेपाली समातिए । जुन भट्टी नेपालीबाटै सञ्चालित थियो । 
अर्को घटना थियो, महबोयुलाको । त्यस क्षेत्रबाट एउटा फ्ल्याट भाडामा लिएर संगठित रुपमा यौन व्यवसाय गरिरहेको अभियोगमा तीनजना नेपाली महिला पक्राउमा परे । प्रहरी बिग्रेडियर अब्दुल्लाह साफाहका अनुसार उनीहरू यौन व्यवसायमा संग्लन थिए । छापा मार्दा पक्रिए । 
परिबन्दमा परेका नेपालीलाई आपराधिक क्रियाकलापमा लगाउनेहरू नेपाली नै छन् । जेलभित्र मात्रै खोज्दै जाने हो भने हत्या, लागूऔषधजस्ता कार्यमा संग्लन अभियोगमा सजाय पाएका ३४ जना नेपाली जेलमा छन् । त्योसँगै नेपाली नेपालीबीच हुने मारपिटले अर्को रूप लिएको छ । समूहसमूहबीच झैझगडा हुने, हप्ताअसुली कार्यमा देखिने कार्यले कुबेतमा नेपाली समाजप्रतिको छाप धमिलो हुँदै गइरहेको छ । 
दूतावासलाई समस्यामा परेर निस्किएका महिलालाई आपराधिक क्रियाकलापमा प्रयोग गरेकोप्रति अर्को चिन्ता छ । सीधै दूतावासमा पुगे त ती महिलाहरू सुरक्षित भएर नेपाल फिर्छन् । दलालको हातमा परे भने झन् दु:ख पाउने स्थिति छ । २२ वर्षदेखि कुबेतमा कार्यरत वागलुङका दिलबहादुर पुन मगर ‘सोझा नानीहरूलाई उद्धार गरेर राख्ने बहानमा अपराधजन्य कार्यमा लगाउने कार्य डरलग्दोसँग हिसाबले बढिरहेको’ मा चिन्ता गर्छन् । 
कुबेतका लागि नेपाली राजदूत यज्ञबहादुर हमाललाई नेपाली समाजलाई कसरी जनचेतना दिने भन्नेमा चिन्ता थपिएको छ । स्थानीय कानुनलाई पूर्ण रूपमा पालना गर्न नेपाली समाजलाई बारम्बार गर्दै उनी यतिखेर नेपाली बस्ने क्याम्पतिर दौडिन थालेका छन् । 
‘कुबेतमा बस्दा के गर्न हुने र के गर्न नहुने’ भनेर सूची लिएर बाढ्न थालेका छन् । ‘कसैलाई पनि आँच आउने व्यवहार हामीबाट गर्नु हुँदैन,’ उनी भन्छन्, ‘प्रवासमा बस्दा सबैले आफ्नो र देशको इज्जत प्रतिष्ठा जोगाउने कार्य गर्नुपर्छ । 
गर्न हुने कार्य 
    िआफ्नो कार्य लगनशीलता, मिहिनेत एवं इमानदारीका साथ गर्ने 
    िकुबेतको कानुनको पालना 
    िराहदानी तथा आवासीय अनुमति (अकाम) को म्याद सकिनुभन्दा पहिले नै नयाँ राहदानी र आवासीय अनुमति लिने 
    िआफ्नो राहदानी, आवासीय अनुमति सिभिल आईडी, बैंक कार्डको फोटोकपी राख्ने । बिनाकारण त्यस्ता कागजपत्र कसैलाई नदिने 
    िपरिवारलाई नियमित रूपमा सम्पर्कमा राख्ने । 
    िरोजगारीबाट आफूले आर्जन गरेको रकमको सदुपयोग गरी बचत रकम नेपाल पठाउँदा बैंक मार्फत पठाउने 
    िकार्यस्थलमा समस्या वा गुनासा आएमा पहिला कम्पनीलाई खबर गर्ने । समाधान नभए दूतावासमा सम्पर्क गर्न आउने ।
    िआफू कार्यरत कम्पनी, घरमालिक वा अरूले कसैले कुनै कागजातमा सही गर्न भनेमा राम्रोसँग बुझेर मात्रै सही गर्ने 
    िसमस्या परेका नेपालीलाई सक्दो आफूले सहयोग गर्ने 
    िखानपिन, पहिरन र रहनसहनमा उचित ध्यान दिने 
    िबाटो काट्दा, ट्राफिक नियमको पालना गर्ने । जेब्राक्रर्सिङबाट मात्र बाटो काट्ने 
    िअरबी र अंग्रेजी भाषा जानकारी राख्ने
    िनेपालमा घुम्न कुबेती नागरिकलाई प्रोत्साहन गर्ने 
    िनेपालमा सकारात्मक र सबल पक्षको बारेमा कुबेती तथा विदेशीलाई जानकारी दिने 
    िव्यक्तिसँग रकम लेनदेन गर्दा भरपाई, प्रमाण राख्ने 
    िफुर्सादको समयमा आफ्नो क्षमता विकासका कार्य गर्ने 
    िनेपाल र नेपालीको गौरव एवं इज्जत बढाउने कार्य गर्ने 
गर्न नहुने कार्यहरू 
    िकुबेतको कानुन, धर्म र संस्कृति विपरीतका कुनै कार्य नगर्ने 
    िलागूपदार्थ ओसारप्रसार सेवन एवं बेचबिखन नगर्ने 
    िमदिरा (जाँडरक्सी) उत्पादन, सेवा एवंल बेचबिखन नगर्ने 
    िनेपाली नागरिक एवं विदेशीसँग अनावश्यक जमघट, झगडा, होहल्ला, कुटपिटजस्ता कार्य नगर्ने । कुनै पनि प्रकारका हतियार साथमा लिएर नहिड्ने । 
    िआर्थिक प्रलोभनमा परेर हाल कार्यरत घर/कम्पनीबाट नभाग्नुहोला । अन्य नेपालीलाई भाग्न नउक्साउनुहोला । अर्को कार्यस्थलमा गैरकानुनी रूपमा काम गर्नुहोला एवं गर्न प्रेरित नगर्नुहोला । 
    िगैरकानुनी रूपमा महिला एवं पुरुषसँगै बसोबास नगर्नुहोला 
    िस्वीकृतिबिना कार्यस्थलमा अनुपस्थित नहुनुहोला । कार्यस्थलमा हड्ताल नगर्नुहोला । 
    िअन्य व्यक्तिको सिभिल आईडी, बैंक कार्ड प्राप्त गरेमा दुरुपयोग नगर्नुहोला । त्यस्ता कार्ड वा कागजात नजिकको प्रहरी कार्यालय वा नेपालीको भए नेपाली दूतावासमा बुझाउनुहोला ।
    िमदिरा सेवन गरेर सवारी साधन नचलाउनुहोला 
    िफेसबुक, ट्विटर इमेलजस्ता सञ्चार माध्यमको दुरुपयोग नगर्नुहोला 
    िरमजानको समयमा निषेधित समयमा कुनै पनि खानेकुराहरू खुला रूपमा नखानुहोला ।
    िमहिलालाई कुबिचार वा कुदृष्टिले नहेर्नुहोला 
    िठगी एवं चोरी नगर्नुहोला र त्यस्तो मनसायले कुनै कार्य नगर्नुहोला । 
    िनिषेधित क्षेत्रमा धूमपान नगर्नुहोला 
    िसुरक्षित र भरपर्दो नभएसम्म कसैसँग पनि रकम लेनदेन नगर्नुहोला 
    िअत्यधिक गर्मीमा बढी काम नगर्नुहोला । त्यसपछि तुरुन्तै बढी चिसोमा नबस्नुहोला । बढी चिसो खानेकुरा पनि नखानुहोला । 
    िनेपाल र नेपालीको गौरव एवं इज्जतमाथि आँच आउने कुनै पनि कार्यहरू नगर्नुहोला ।

प्रकाशित : असार २२, २०७३ १६:२६
प्रतिक्रिया
पठाउनुहोस्

म्यानपावरका निर्देशकलाई ओमनको राजदूत सिफारिस

कान्तिपुर संवाददाता

काठमाडौं — दोहा— सरकारले वैदेशिक रोजगारीमा जाने कामदारको आपूर्ति गर्ने कार्यमा आबद्ध व्यक्तिलाई ओमनका लागि नेपाली राजदूतमा नियुक्त गर्न सिफारिस गरेको छ ।



दुबईलाई बेस बनाएर खाडी तथा मलेसियाका कम्पनीलाई कामदार पठाउने कार्यमा क्रियाशील सर्मिला पराजुलीलाई प्रधानमन्त्री केपी ओलीको अध्यक्षतामा गत शुक्रबार बसेको मन्त्रिपरिषद्को बैठकले ओमनको राजदूतमा सिफारिस गरेको हो । उपप्रधान तथा 
भौतिक योजनामन्त्री विजयकुमार गच्छेदारको पार्टी मधेसी जनधिकार फोरम लोकतान्त्रिकको कोटामा उनी परेकी हुन् ।
सन् २०१४ सेप्टेम्बरदेखि ओमनमा नेपाली दूतावास खुलेको थियो । संसदीय सुनुुवाइ समितिले सिफारिसलाई स्वीकृत गरेमा उनी ओमनको लागि नेपाली पहिलो राजदूत हुनेछिन् । बिराटनगरमा जन्मे हुर्केर चन्द्रगढी झापामा हुर्केकी ३६ वर्षीय पराजुली हाल ‘वेद र बाइबलमा महिला सुरक्षासम्बन्धी’ विषयमा 
पीएचडी गर्दै छिन् । उनले अंग्रेजी साहित्यमा स्नातकोत्तर गरेकी हुन् । 
उनको परिवारै म्यानपावरको क्षेत्रमा क्रियाशील छन् । दुबई रहेको ‘बीएसडी हुयुमन रिसोस् सोलुसन’, ‘रोयल डाइमण्ड रिक्रुटमेन्ट, एलएलसी’, र नेपालमा रहेको म्यानपावर फ्रोल्रिडा ह्युमन रिसोस् सोलुसनका निर्देशक भएको बंगलादेशमा रहेको ग्रिन ल्यान्ड ओभरसिज/ट्ेरनिङ सेन्टरको वेवसाइटमा उल्लेख छ । पराजुली त्यस ओभरसिजका ‘ओभरसिज डाइरेक्टर’ हुन् । 
बीएसडीले खाडीका विभिन्न कम्पनीलाई स्रोत देशबाट कामदार आपूर्ति गरेर दिने काम गर्छ । ‘१० वर्षभन्दा बढीदेखि मानव संसाधन आउटसोर्सिङ (सप्लाई) गर्ने कार्यमा उच्च अनुभव छ,’ बीएसडीको वेभसाइटमा उल्लेख छ, ‘कामदारको सप्लाई लाइनको अन्त्यसम्म गएर काम गर्नुको साथै सही कामदारको आपूर्ति तथा छनोट गर्नेछौं ।’ 
रोयल डाइमन्ड कम्पनीले युएई तथा खाडी क्षेत्रका कम्पनीको मागअनुसार कामदार आपूर्ति गर्ने गर्छ । यसले कम्पनीमा गएर मागपत्र खोज्ने र नेपालसहित स्रोत देशमा पुगेर कामदार खोजेर दिने काम गर्ने रोयलको वेबइसाइटमा उल्लेख छ । ‘दुबई बेस यो कम्पनी कामदार आपूर्तिको क्षेत्रमा अग्रणीमा पर्छ । हामी 
उड्डयन, इन्जिनियरिङ, स्वास्थ्य सेवा, हस्पिट्यालिटी, कार्यालय सहायक, सुरक्षा गार्ड तथा व्यवस्थापन सहजीकरणको लागि कामदार आपूर्ति गर्छौं,’ रोयलको वेभसाइटमा उल्लेख छ, ‘निजी, सार्वजनिक, अर्धसरकारी र सरकारी क्षेत्रमा कामदार आपूर्ति गरिहेको छ । कामदार आपूर्ति गर्ने कार्यमा दैनिकजसो बढिरहेको छ ।’ 
पराजुलीको बंगलादेशमा रहेको ग्रिन ल्यान्ड ओभरसिजले कामदारको पठाउने काम गर्छ । उनी र उनका श्रीमान् विष्णु ढकाल युएईमा बसेर काम गर्छन् भने जेठाजृु कमल ढकाल काठमाडौं बसेर फ्लोरिडा म्यानपावरको काम हेर्छन् । 
नेपाल बिजनेस काउन्सिल युएईको उपाध्यक्षसमेत रहेकी पराजुली युएई आउनुअघि उनी मलेसियामा कार्यरत थिइन् । उनी आफूलाई ‘प्रभावशाली, ऊर्जावान, बहुमुखी, दूरदर्शी युवा उद्यमी व्यवसायी तथा सामाजिक कार्यकर्ता’ रहेको दाबी गर्छिन् । 
उनले आफू म्यानपावरसँग सम्बन्धित कम्पनीमा आबद्ध नरहेको भन्दै ‘ग्रिन लाइनको बेवसाइट अपडेट नभएको’ बताइन् । ‘ग्रिन ल्यान्ड ट्ेरनिङ सेन्टरको मात्रै निर्देशक हो । रोयल डाइमन्ड, बीएसडी र फ्लोरिडा म्यानपावरमा म छैन । मेरो परिवारिक बिजनेस हो,’ उनले कान्तिपुरलाई भने, ‘काठमाडौंमा डिस् काउन्ट कार्डबाट बिजनेस सुरु गरेको हो । अहिले मेरो शैक्षिक, हाइड्रोपावर र ट्राभलको क्षेत्रमा लगानी छ ।’
आफू १७ वर्षको उमेरदेखि पढाइ र बिजनेसलाई सँगै लिएर जान सकेकाले छोटो समयमा सफलता लिन सकेको बताइन् । ‘मेरै मध्यस्ततामा बहराइन र नेपालबीच श्रम सम्झौता भएको हो,’ उनको दाबी छ, ‘अब ओमनमा राजदूत भएर जान पाएमा मैले 
दुई देशबीच हुन नसकेको सम्झौताहरू गराउन 
सक्छु । नेपाली कामदारको हितको लागि महत्त्वपूर्ण काम गर्न सक्छु ।’ 
पूर्वराजदूत सुर्यनाथ मिश्र ‘म्यानपावरका डाइरेक्टरलाई राजदूत बनाउने कार्य गलत’ भएको बताए । ‘खाडीमा जति नेपालीको दयनीय स्थिति छ । त्यो सबै म्यानपापवरवालाहरूको बदमासीले हो,’ चार वर्ष कतारमा सफल कार्यकाल पूरा गरेर फर्केका मिश्रले कान्तिपुरलाई भने, ‘म्यानपावरवालाहरू कामदारको 
हितभन्दा व्यवसायको उत्थानमा लाग्ने कार्य स्वाभाविक छ । यो त माछोको रेखदेख गर्न बकुलोलाई जिम्मा दिएजस्तै हो ।’ 

ओमनमा राजदूतमा सिफारिसमा परेकी शर्मिला पराजुली । 

प्रकाशित : असार २२, २०७३ १६:२६
पूरा पढ्नुहोस्
प्रतिक्रिया
पठाउनुहोस्