सोमलाई दुई पदक
काठमाडौं — नेपालका धावक सोमबहादुर कुमालले ब्रुनाई ओपन एथलेटिक्स च्याम्पियनसिपको पुरुष ४ र ८ सय मिटर दौडमा पदक जितेका छन् । नेपाल एथलेटिक्स संघका महासचिव सुनील राजवंशीका अनुसार सोमबहादुरले ८ सय मिटरमा स्वर्ण र ४ सय मिटर दौडमा रजत पदक जितेका थिए ।
सातौं राष्ट्रिय खेलकुदको एथलेटिक्सतर्फ उत्कृष्ट खेलाडी चुनिएका सोमले मार्च १८ मा स्वर्ण र मार्च १९ मा रजत जितेका थिए ।
प्रतियोगितामा सहभागी अर्का धावक यामसाजन सुनार १ सय मिटर दौडमा पाँचौं र २ सय मिटर दौडमा छैटौं स्थानमा रहेका थिए ।
प्रतिक्रिया
