उपराष्ट्रपति चीनतिर

असार २२ मा सुरु हुने चारदिने २३ औंं लान चौ लगानी तथा व्यापार मेलामा सहभागी हुन उनी त्यसतर्फ गएका हुन् । मेलामा यस पटक नेपाल र मलेसिया अतिथि मुलुक छन् । उपराष्ट्रपति पुनले शुक्रबार उद्घाटन समारोह र शनिबार लगानी प्रवद्र्धनसम्बन्धी सत्रमा सम्बोधन गर्ने कार्यक्रम छ ।
चीनको कान्सु प्रान्तको राजधानी लान चौमा आयोजना हुने उक्त मेला कुनमिङमा हुँदै आएको कुनमिङ एक्स्पोजस्तै हो । उनी गत वर्ष कुनमिङ एक्स्पोमा पनि सहभागी भएका थिए । विकास र सहयोगका लागि उच्चस्तरीय उक्त मञ्चको उद्घाटन सत्रलाई उपराष्ट्रपतिले बिहीबार सम्बोधन गर्नेछन् । उनले चीनका उद्यगीसँग नेपाल–चीन आार्थिक तथा व्यापारिक सहयोगबारे शुक्रबार सम्बोधन गर्ने परराष्ट्र मन्त्रालयले जनाएको छ ।
उपराष्ट्रपतिको सम्बोधन सिल्करोड, वान बेल्ट वान रोड अवधारणालगायत पक्षमा केन्द्रित रहने जनाइएको छ । उनले उच्चस्तरीय भेटघाटसमेत गर्नेछन् । चीनको सान्सी प्रान्तको सियान र हेनानको भ्रमण गरी उनी शनिबार स्वदेश फर्कनेछन् । त्रिभुवन अन्तर्राष्ट्रिय विमानस्थलको अति विशिष्ट कक्षमा उपराष्ट्रपति पुनलाई प्रधानमन्त्री शेरबहादुर देउवा, सभामुख ओनसरी घर्ती, मन्त्रीहरू, संवैधानिक अंगका प्रमुख तथा प्रतिनिधिले बिदाइ गरेका थिए ।