‘स्क्रब टाइफस’ का बिरामी बढ्दै

शिव पुरी

भरतपुर — जिल्लाका विभिन्न अस्पतालमा उपचारका लागि आउने बिरामीमा स्क्रब टाइफसको संक्रमण बढेको पाइएको छ। साउनयता ११ दिनमा ३४ जनामा यस्तो संक्रमण पुष्टि भएको हो।

पछिल्लो एघार दिनमा विभिन्न अस्पतालमा आएका ९१ बिरामीमध्ये ३४ मा संक्रमण देखिएको जिल्ला जनस्वास्थ्यका किट नियन्त्रक निरीक्षक रामकुमार केसीले बताए। ‘पछिल्लो केही दिनमा यसका बिरामी बढेका छन्,’ उनले भने, ‘यस्तो बेला सजग रहनु जरुरी छ।’ गत वर्ष जिल्लामा ५ सय ३३ जनामा स्क्रब टाइफस रोग देखिएको थियो। त्यस समयमा मृत्यु भएकामध्ये ४ जना चितवनका थिए। पुसबाट रोग नियन्त्रणमा आए पनि वैशाखदेखि आएका बिरामीमा पुन: देखिन थालेको जनस्वास्थ्यले जनायो। जनस्वास्थ्यका अनुसार भरतपुर अस्पतालमा १५, रत्ननगरमा ३ र नारायणी सामुदायिक अस्पतालमा १६ जनामा स्क्रब टाइफस देखिएको हो। स्क्रब टाइफस, डेंगु जस्ता रोग परीक्षण गर्न भरतपुर अस्पतालमा किट अभाव छ।
‘किट पठाउन माथिल्लो निकायमा पत्राचार गरिसकेका छौं,’ किट नियन्त्रण निरीक्षक केसीले भने, ‘अहिलेसम्म पठाएको छैन।’ समयमै किट नपठाए समस्या बढ्ने अस्पतालका चिकित्सक बताउँछन्।
अघिल्लो वर्ष ४७ जिल्लाका ८ सय ३० जनामा स्क्रब टाइफस रोग देखिएकामा १४ जनाको मृत्यु भएको जनस्वास्थ्यले जनायो। नेपालमा २०७२ सालमा पहिलोपटक पूर्वी नेपालमा यस्तो रोग देखिएको हो। त्यसबेला १ सय १ जनामा स्क्रब टाइफस रोग देखिएको र ८ जनाको मृत्यु भएको थियो। बढ्दो गर्मीसँगै विभिन्न समस्या लिएर उपचारमा आउने बिरामीमा यस्तो रोग देखिएको हो। मुलुकभर ‘स्क्रब टाइफस’को रोग बढेपछि अवस्था पत्ता लगाउन इपिडिमियोलोजी तथा रोग नियन्त्रण महाशाखाको टोलीले जिल्लामा गत वर्ष मुसाको स्थलगत अध्ययन तथा परीक्षण सुरु गरेको थियो। 
अनुसन्धानका क्रममा मुसा र माइटमा समेत टाइफस रोगको संक्रमण पुष्टि भएको थियो। यो रोग एक प्रकारको संक्रमित कीराले टोकेमा लाग्छ। जुम्रा जस्तै सूक्ष्म रूपमा रहने माइट घुनजस्तै कीरा हो।

Yamaha

Esewa Pasal

प्रकाशित : श्रावण १५, २०७४ ०८:२९
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

किशोरको हत्या

छोटकरी

निजगढ ५ गैरीटोलका १६ वर्षीय निशान्त सापकोटाको शुक्रबार साँझ घाँटी रेटी हत्या भएको छ।

 

बारा (कास)– सार्वजनिक माविमा कक्षा ९ मा पढ्दै गरेका सापकोटाको छिमेकी दीपक थापाको घरमा हत्या भएको इलाका प्रहरी कार्यालय निजगढका प्रहरी नायब निरीक्षक कैलाशकुमार केसीले बताए। घटनास्थलबाट प्रहरीले चुलेसी बरामद गरेको छ। घटनाबारे थप अनुसन्धान भइरहेको उनले बताए। प्रहरीले घरधनी थापा परिवारलाई नियन्त्रणमा लिएको छ। विचारी थापा, उनकी श्रीमती भवानी, छोरा विवेक र छोरी दीपिकालाई नियन्त्रणमा लिई अनुसन्धान भइरहेको केसीले बताए।

बैंक कर्मचारी मृत फेला 
स्याङ्जा (कास)– कृषि विकास बैंकको पर्वत कुश्मास्थित शाखाका सहायक कर्मचारी दीपेन्द्र शर्मा गौडेल हराएको २३ दिनपछि मृत फेला परेका छन्। फलेबास नगरपालिका–४ मुडिकुवाका गौडेलको शव स्याङ्जाको मिर्मीस्थित कालीगण्डकी ‘ए’ जलविद्युत् आयोजनाको बाँधमा फेला परेको प्रहरीले जनाएको छ। गौडेलका आफन्तले शवको पहिचान गरे पनि मृत्युको कारण भने खुल्न नसकेको प्रहरीले जनाएको छ। यस्तै बागलुङ, ढोरपाटनको नवी खोलामा ढोरपाटन–९ तल्लेचौरका २० वर्षीय राजु विक शनिबार मृत फेला परेका छन्।

घाइते वडाध्यक्षको उद्धार
दोलखा (कास)– ट्रकको ठक्करबाट घाइते भएका जिरी नगरपालिका–७ का वडाध्यक्ष डुके शेर्पालाई उपचारका लागि हेलिकप्टरबाट राजधानी लगिएको छ। शनिबार नगरपालिकाको बैठकमा सहभागी हुन उनी मोटरसाइकल चढेर जाँदै थिए । जिरी बासास्थित लामोसाँघु जिरी सडकमा ज१ख ८५६ नम्बरको ट्रकले ठक्कर दिएको थियो। प्रहरीले ट्रक र चालकलाई नियन्त्रणमा लिएको छ ।

प्रकाशित : श्रावण १५, २०७४ ०८:२८
पूरा पढ्नुहोस्
प्रतिक्रिया
पठाउनुहोस्
ADVERTISEMENT