स्वाइनफ्लुको स्थलगत परीक्षण

कान्तिपुर संवाददाता

स्याङ्जा — वालिङमा बिरामी परेका खुमप्रकाश अर्यालको स्वाइनफ्लुबाट मृत्यु भएको पुष्टि भएपछि राजधानीबाट स्थलगत परीक्षणका लागि चिकित्सकको टोली आएको छ।

महामारी तथा सरुवा रोग नियन्त्रण महाशाखाका जनस्वास्थ्य अधिकृत रेशम लामिछानेसहित दुई सदस्यीय टोली आएको हो। टोलीले शनिबार वालिङ प्राथमिक स्वास्थ्य केन्द्रमा आएका बिरामीको स्वास्थ्य परीक्षण गर्दै २० जनाको रगत र खकार परीक्षणका लागि काठमाडौं पठाएको छ। वर्षायाममा रुघाखोकी र ज्वरोलाई समान्य मौसम परिवर्तनका कारण भन्दै आफैं औषधि खाने, निकै दिन निको नभएमात्रै स्वास्थ्य केन्द्रमा जँचाउन जाने चलन पुरानै हो। यतिबेला पनि यहाँ रुघा र ज्वरोका बिरामी दिनहुँ उपचारका लागि आउने गरेका छन्। ‘डराउनुपर्ने अवस्था छैन,’ लामिछानेले भने, ‘अवस्था केही सामान्य भएको छ। पहिले जस्तो छैन। तैपनि सचेत रहनुपर्छ।’ स्वाइनफ्लुमा समयमै सचेत रहेर औषधि सेवन गरे समस्या नदेखिने र यदि १०/१२ दिनसम्म बेवास्ता गरिरहे जटिल बन्दै जाने उनले बताए। चिकित्सकको टोलीले संक्रमण रहेको शंका गरिएका ठाउँको पनि अवलोकन एवं स्थानीयसँग छलफल गरेको छ। अर्यालको घर पुगेर टोलीले परिवारलाई सान्त्वना दिएको छ।

Yamaha

Esewa Pasal

प्रकाशित : श्रावण १५, २०७४ ०८:३०
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

‘स्क्रब टाइफस’ का बिरामी बढ्दै

शिव पुरी

भरतपुर — जिल्लाका विभिन्न अस्पतालमा उपचारका लागि आउने बिरामीमा स्क्रब टाइफसको संक्रमण बढेको पाइएको छ। साउनयता ११ दिनमा ३४ जनामा यस्तो संक्रमण पुष्टि भएको हो।

पछिल्लो एघार दिनमा विभिन्न अस्पतालमा आएका ९१ बिरामीमध्ये ३४ मा संक्रमण देखिएको जिल्ला जनस्वास्थ्यका किट नियन्त्रक निरीक्षक रामकुमार केसीले बताए। ‘पछिल्लो केही दिनमा यसका बिरामी बढेका छन्,’ उनले भने, ‘यस्तो बेला सजग रहनु जरुरी छ।’ गत वर्ष जिल्लामा ५ सय ३३ जनामा स्क्रब टाइफस रोग देखिएको थियो। त्यस समयमा मृत्यु भएकामध्ये ४ जना चितवनका थिए। पुसबाट रोग नियन्त्रणमा आए पनि वैशाखदेखि आएका बिरामीमा पुन: देखिन थालेको जनस्वास्थ्यले जनायो। जनस्वास्थ्यका अनुसार भरतपुर अस्पतालमा १५, रत्ननगरमा ३ र नारायणी सामुदायिक अस्पतालमा १६ जनामा स्क्रब टाइफस देखिएको हो। स्क्रब टाइफस, डेंगु जस्ता रोग परीक्षण गर्न भरतपुर अस्पतालमा किट अभाव छ।
‘किट पठाउन माथिल्लो निकायमा पत्राचार गरिसकेका छौं,’ किट नियन्त्रण निरीक्षक केसीले भने, ‘अहिलेसम्म पठाएको छैन।’ समयमै किट नपठाए समस्या बढ्ने अस्पतालका चिकित्सक बताउँछन्।
अघिल्लो वर्ष ४७ जिल्लाका ८ सय ३० जनामा स्क्रब टाइफस रोग देखिएकामा १४ जनाको मृत्यु भएको जनस्वास्थ्यले जनायो। नेपालमा २०७२ सालमा पहिलोपटक पूर्वी नेपालमा यस्तो रोग देखिएको हो। त्यसबेला १ सय १ जनामा स्क्रब टाइफस रोग देखिएको र ८ जनाको मृत्यु भएको थियो। बढ्दो गर्मीसँगै विभिन्न समस्या लिएर उपचारमा आउने बिरामीमा यस्तो रोग देखिएको हो। मुलुकभर ‘स्क्रब टाइफस’को रोग बढेपछि अवस्था पत्ता लगाउन इपिडिमियोलोजी तथा रोग नियन्त्रण महाशाखाको टोलीले जिल्लामा गत वर्ष मुसाको स्थलगत अध्ययन तथा परीक्षण सुरु गरेको थियो। 
अनुसन्धानका क्रममा मुसा र माइटमा समेत टाइफस रोगको संक्रमण पुष्टि भएको थियो। यो रोग एक प्रकारको संक्रमित कीराले टोकेमा लाग्छ। जुम्रा जस्तै सूक्ष्म रूपमा रहने माइट घुनजस्तै कीरा हो।

प्रकाशित : श्रावण १५, २०७४ ०८:२९
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT