न्युजिल्यान्डमा घन्कियो नेपथ्य

नारायण खडका

अस्ट्रेलिया — आफ्नो रजत वर्षको अवसरमा सांगीतिक प्रस्तुति लिएर अस्ट्रेलियामा आएको नेपालको लोक/रक ब्यान्ड नेपथ्यले छिमेकी मुलुक न्युजिल्यान्डमा पहिलोपटक सांगीतिक प्रस्तुति दिएको छ।

न्युजिल्यान्डको अकल्यान्ड सहरमा रहेको स्काई सिटी थिएटरमा कार्यक्रम प्रस्तुत गरेको नेपथ्यलाई त्यहाँ रहेका नेपाली दर्शकले उत्तिकै माया र सम्मान दिएका थिए। कार्यक्रममा सहभागी नेपाली दर्शकले नेपथ्यलाई तीन घण्टा बढीसम्म नाचेर साथ दिएका थिए। कार्यक्रम आयोजकमध्येका राज महर्जनले नेपथ्यको सफल प्रस्तुतिले अब नेपाली कलाकारहरूलाई न्युजिल्यान्डमा समेत कार्यक्रम प्रस्तुत गर्न बाटो खोलेको बताए।
सानो संख्यामा नेपालीहरू रहेका भए पनि नेपथ्यको कार्यक्रम हेर्नका लागि अन्य सहरहरूबाट समेत नेपाली दर्शक कार्यक्रम स्थल पुगेका थिए। एक दर्जनबढी गीतसंगीत प्रस्तुत गरेको नेपथ्यले कार्यक्रमअन्तर्गत नै आफ्नो सांगीतिक यात्राको जानकारीहरूसमेत बाँडेको थियो। ‘न्युजिल्यान्डमा पहिलोपटक आफ्नो सांगीतिक प्रस्तुति दिन पाउँदा हामी अत्यन्तै खुसी छौं,’ ब्यान्डका लिड गायक अमृत गुरुङले भने, ‘आफ्नो सांगीतिक यात्राको रजत वर्ष यसरी मनाउन पाएकोमा हामी सबैप्रति आभारी छौं।’
करिब एक महिनाअघि सांगीतिक यात्रामा अस्ट्रेलिया आएको नेपथ्यले मेलबर्न, एडिलेड र सिड्नीमा आफ्नो प्रस्तुति गरेको थियो। अन्तर्राष्ट्रिय स्तरको कार्यक्रम स्थलहरूमा आयोजना भएको कार्यक्रमलाई अस्ट्रेलियाका दर्शकले मन पराएका थिए। कार्यक्रममा गुरुङले नेपाल फर्किएलगत्तै आफूहरूले नयाँ गीत सार्वजनिक गर्ने जानकारी दिएका थिए। व्यवस्थापन समूहका चारजना सदस्यसहित धु्रव लामा, सुरज थापा, सुविन शाक्य, निरज गुरुङ र शान्ति रायामाझीसहितको १० जनाको टोली सांगीतिक प्रस्तुतिका लागि आएको थियो।

Yamaha

Esewa Pasal

प्रकाशित : श्रावण १५, २०७४ ०८:३२
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

अस्ट्रेलियामा सत्य–स्वरुप

नारायण खडका

अस्ट्रेलिया — गायक दाजुभाइ सत्य–स्वरूपराज आचार्यलाई यहाँका नेपाली दर्शकश्रोताले राम्रै साथ दिएका छन् । रेडियो र टेलिभिजनमा मात्र देख्दै र सुन्दै आएका गायकहरूले अस्ट्रेलियाका पाँच सहरमा अपेक्षित मनोरञ्जन बाँडिसकेका छन् । डेढमहिने सांगीतिक प्रस्तुति लिएर आएका सत्य–स्वरूपलाई डार्बिनदेखि सिडनीसम्मका नेपालीले उत्तिकै माया दिएका छन् ।

नयाँ वर्षको अवसर पारेर एडिलेडदेखि सुरु भएको उनीहरूको यात्रा मेलबर्न, ब्रिसबन हुँदै डार्बिन र सिडनीसम्म पुगेको हो । चाँडै अर्काे सहर पर्थमा उनीहरू सुनिँदै छन् । 

‘अस्ट्रेलियाका नेपालीहरूले जुन माया र सम्मान हामीप्रति देखाइदिनुभएको छ, त्यसको बयान गर्न सक्तैनौं,’ शनिबार सिडनीको प्रस्तुतिपछि गायकद्वयले कान्तिपुरसँग भने, ‘हामीले दर्जनौं देश घुमिसके पनि यहाँ पाउने आतिथ्य र मायामा अलग किसिमको आफ्नोपना पाएका छौं ।’ 

नेपाली गीतसंगीतको क्षेत्रमा काम गर्दै आएको अन्तर्राष्ट्रिय नेपाली कलाकार समाज (इनास) ले सिड्नीमा गरेको कन्सर्टमा उनीहरूले डेढ दर्जनभन्दा बढी गीत प्रस्तुत गरेका थिए । आफ्ना बुबा भजनशिरोमणि भक्तराज आचार्यका गीतहरूदेखि आफ्ना नयाँ–पुराना गीतसम्म सुनाए ।

कन्सर्टमा यहाँ बसोबासरत नेपाली गायकगायिकाहरू प्रवेश अधिकारी, सुम्निमा सिंह र केदार बरुवालले समेत गीत सुनाएका थिए । राजेश्वर घिमिरेको कृति ‘गौतमबुद्धको सहर’ लोर्कापण गरिएको थियो ।

कन्सर्टमा इनासले कलाकार दीपक क्षेत्रीको सहयोगार्थ संकलन गरेको ३ हजार २ सय ७९ अस्ट्रेलियन डलर गायकद्वयलाई हस्तान्तरण गरेको थियो ।

प्रकाशित : वैशाख २६, २०७४ ०९:५१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT