बैतडी — पाटन नगरपालिका १ सकारका घाँस काट्न गएकी महिला मंगलबार मृत भेटिएकी छन् । सोमबार घाँस काट्न निस्केकी स्थानीय ३४ वर्षीया हरू विक मंगलबार दिउँसो सुर्नया खोला किनारमा फेला परेको प्रहरीले जनाएको छ ।
मृत्युको कारण खुलेको छैन ।
हाम फालेर आत्महत्या
जाजरकोट (कास)– बारेकोट गाउँपालिका १, रामीडाँडाका ५१ वर्षीय धनबहादुर बुढाले गाउँ तलको ढाँडखोलामा हाम फालेर आत्महत्या गरेका छन् । बुढाले सोमबार कसैले थाहा नपाउने गरी पानीको बहाव उच्च भएको खहरेमा हाम फालेका थिए । उनी १० वर्षदेखि प्यारालाइसिसले थलिएका थिए ।
चोरी आरोपमा पक्राउ
गुलरिया (कास)– मोटरसाइकल चोरर भारत लग्दै गरेका भारतीय नागरिक पक्राउ परेका छन् । गुलरिया– ५ मिलनटोलस्थित रामजी श्रेष्ठको घर बाहिर राखेको भे३प ६६३३ नम्बरको हिरोहोण्डा मोटरसाइकलसहित भारत बहराइचका ओमप्रकाश लोधलाई प्रहरीले नियन्त्रणमा लिएको हो ।
प्रकाशित : श्रावण २५, २०७४ ०८:३९
