पदमको संस्मरण
काठमाडौं — पदम राईद्वारा बान्तावा राई भाषामा लिखित ‘किरावा सान्दिवा’ संस्मरण कृति सार्वजनिक गरिएको छ । आदिवासी जनजाति उत्थान राष्ट्रिय प्रतिष्ठानद्वारा प्रकाशित उक्त कृति भाषाशास्त्री प्रा. नोवलकिशोर राईले सार्वजनिक गरे ।
युवा भाषाशास्त्रीसमेत रहेका लेखक राईले मुलुकका विभिन्न मातृभाषाको अवस्थाबारे स्थलगत अध्ययन, अनुसन्धान, वर्णनिर्धारणका क्रममा उठेका अनेक जिज्ञासा, अनुभूतिजस्ता विषय कृतिमा समेटेका छन् । विमोचित संग्रहमा मुख्यत: बान्तावा, तिनगाउँले थकाली, राजवंशी, किसान, मेचे, डगौरा थारू, लिङखिमलगायत भाषाको विषयका दश लेख छन् । बुङवाखा मासिकका सम्पादकसमेत रहेका राईको यो पाँचौं कृति हो ।
प्रतिक्रिया