गर्भवतीको उद्धार

स्थानीय २२ वर्षीया चेतमाया गुरुङ र ३५ वर्षीया माइली गुरुङको उद्धार गरिएको जिल्ला जनस्वास्थ्य कार्यालयले जनाएको छ । चेतमायालाई सोमबारदेखि सुत्केरी व्यथा लागेको र स्वास्थ्यचौकीमा उपचार सम्भव नभएपछि हेलिकप्टर चार्टर गरेर काठमाडौं पठाइएको कार्यालयका सूचना अधिकृत नवराज खड्काले बताए । चेतमायालाई लिन आएको हेलिकप्टरले मंगलबारबाट बेथा लागेकी माइलीलाई पनि सँगै लगेको हो ।