सल्यान — बन्गाड कुपिन्डे नगरपालिका ७ घाँजरीपिपल, डोप्केमा मंगलबार बिहान रमेश चन्दको घरमा आगलागी हुँदा ठूलो मात्रामा धनमालको क्षति भएको छ ।
बालबालिकाले आगो बालेर मकै पोल्दा खरको छानामा आगो लागेको थियो ।
आगजनीका कारण घरमा भएको अन्नपात, लत्ताकपडा, भाँडाकुँडासहित करिब ३ लाखको धनमाल जलेर नष्ट भएको स्थानीय रवीन्द्र शाहीले बताए । चन्दको परिवार छिमेकीको घरमा आश्रय लिएर बसिरहेको छ ।