बाढीपीडितलाई कोरियाली सहयोग

भाद्र २९, २०७४कान्तिपुर संवाददाता

काठमाडौं — माथिल्लो त्रिशूली–१ जलविद्युत् आयोजनाको प्रवद्र्धक दक्षिण कोरियाली कम्पनी कोरिया साउथ–इस्टपावरले बाढीपीडितका लागि प्रधानमन्त्री दैवीप्रकोप उद्धार कोषमा बुधबार १ करोड २ लाख ५७ हजार ८ सय ७१ रुपैयाँ सहयोग गरेको छ ।

कम्पनीका अध्यक्ष तथा प्रमुख कार्यकारी अधिकृत च्याङ जाई वनले उपप्रधान तथा परराष्ट्रमन्त्री कृष्णबहादुर महरालाई परारष्ट्र मन्त्रालयमा भेटेर सहयोग रकम हस्तान्तरण गरे । भेटका क्रममा च्याङले २ सय १६ मेगावाटको माथिल्लो त्रिशूली–१ आयोजनामा भूकम्पका कारण केही समस्या भए पनि दूुतगतिमा काम अगाडि बढिरहेको जानकारी गराएका थिए ।